甘牌燒鵝

營業中

休息中

成日經過甘牌燒鵝都見到好多人係度排隊，想食都唔想等。有諗過叫外賣，但聽聞外賣返來食啲味道會唔會左。為左食到完汁完味既燒鵝，我地決定揀啲諗住冇咁多人既時間去，去到5pm左右，點知見到長長的龍😓。好想放棄，但又唔想朋友空歡喜一場，唯有等埋佢。等左近2個鐘😭。兩個人叫左兩樣野已食唔晒。甘牌燒鵝啲汁好好味，好味到我連下面啲豆我都食晒。燒鵝皮幾薄，燒得幾好，怕肥都要照食，因為皮都係重點之一。鵝有鵝味😂，點埋啲汁真係好好味。肥燶叉燒原來真係幾燶😅，但肥肥地咬落去又juicy ，好好味喔，未叫之前見到個肥字有啲抗拒，點知食落又真係幾好食喔😜。至於乳豬，係本人至愛之一。但呢度既乳豬就偏肥，冇想像中咁好食。原來呢度既客源主要係遊客（店員講的），想唔等咁耐就4pm左右去，店員話呢段時間係稍微少啲人😅。