一生懸麵

營業中

休息中

想食呢間人氣拉麵好耐，但佢成日都排長龍，好彩今日特登早啲黎，再過多15分鐘已經坐滿晒人排晒隊。滿心歡喜諗住食佢個打卡雪糕拉麵，點知原來轉左新menu。我同朋友叫左兩個麵，小食同飲品，份量多價錢唔貴，仲要好食有誠意，唔怪得咁多人黎食啦！海老拉麵-入面有筍，糖心蛋，白蔥，仲有主角海老，係非常多海老，豚肉都好食，湯底好濃。魚介豚骨沾麵-沾麵麵質彈牙，洒上青檸汁，沾埋香濃既魚介湯， 香濃好味又清新。煎餃子-係典型日式餃子，一共有五件。唐揚雞-有五件，炸得夠脆口，又大件抵食。綠茶可樂/波子汽水-除左有普通既汽水，估唔到呢度有日本既綠茶汽水，店員仲好好幫我開埋，好細心。