萬豚屋

營業中

休息中

同事極力推介，今晚帶咗我嚟試，去到7點左右已經排晒人龍，我地決定...照等!!!不過，等到又餓又眼瞓...排咗成粒鐘先有位~同事想試海鮮烏冬，但又係全部售罄咁話，唔知點解成日都冇。最後點了一個招牌厚切豚肉手打烏冬 + 燒鯖魚 + 蝦沙律窩巴壽司。烏冬上枱時入面嘅湯仍然滾滾下，食完成碗野都啲湯同碗都仲係熱，所以我都食到有啲熱，如果冷氣大少少就更好，相信冬天嚟食一定仲正。湯底不太濃，烏冬勁滑而且煙韌彈牙，豚肉份量亦多，肉很諗，肥糕入口即溶。至於小食燒鯖魚&蝦沙律窩巴壽司就一般啦~未至於好味到要等成個鐘嚟食，唔值~下次真係要訂定位 或 6點 或 9點先嚟。