劉秋記粉麵 (已結業)

今日年初五，走嚟中上環同親戚拜年，拜年前先醫下肚，新年日日食好嘢，山珍海味各式年糕，實在要搵啲清清地嘅嘢食下，新年關係其實唔係太多食店選擇，行經見到呢間劉秋記有開，仲要唔少人幫襯，一於走嚟試下既然話係招牌，緊係要試雲吞啦，雲吞材料豬肉同蝦嘅比例好啱，蝦爽豬肉肥香，雲吞皮夠薄又滑，整粒大細適中，麵質軟梗有咬口鯪魚球撈麵，鯪魚肉魚味重又唔腥，最正係個湯，加上韭黃味濃但飲完不會口乾，老板娘仲話湯唔夠蠔油唔夠可出聲添加，小店經營不容易，呢種傳統美食梗要支持