麵鮮醬油房周月 (歌賦街)

營業中

休息中

一時唔記得星期日上環食店好多都閂門，由於已經行左上去，咁就試下呢間望到好多次都無入過去的拉麵店。當時店內有幾位日本人，第一引象感覺良好，拉麵的選擇亦算多，我同男朋友都係叫左沾麵，我本來想要100g 麵，但店員提醒麵真係會太少，所以我同男朋友就要左200g及300g 的，留意唷～價錢一樣的。沾麵可以選擇要/唔要蔥，醬油多定普通，沾麵要熱定凍等等。 享受完沾麵，可以請店員加湯，咁就完滿喇。提一提，呢間的沾麵的醬有別於平時食到比較杰身的醬，佢係比較似湯，另外仲有少少醋味，其實就唔太岩我口味，不過店員個個精神奕奕，又加茶又加湯，招呼周到，都算係一次開心的體驗。