一起果醬 (已搬遷) 新店位置

仲係盛夏既月份，同母親大人入左西貢閒逛。行行下決定食個下午茶。Let's Jam呢間舖一路都係我既to visit list之上，當然要過黎試一下。兩個人其實都唔肚餓，叫左一個scone set，再單點一杯飲品。黎得Let's Jam，當然要試下呢度既果醬，於是兩個人都叫左特調果醬紅茶。飲品賣相好靚，任你配搭不同既果醬，不過味道偏淡，果醬味唔算突出。自去完英國旅行，成日都好懷念果邊既英式鬆餅，真係是買到既都好好食，可惜香港店舖水準差矣。就算係以scone出名既中環某五星級酒店，個人感覺亦唔算真係好好食。但呢度實在令我充滿驚喜，因為個scone真係好好食！鬆餅溫熱，外層係脆既，內裡係實淨但又唔會硬，好香牛油味，唔會一拮就散到一舊舊，實在好合我口味。Clotted cream有點稀，唔係想像中既texture，果醬未見特別。不過即使單單係為個scone，我係會黎食過架！