影片
更多
2022-10-09
423 瀏覽
大概兩年前我已經去過呢間酒店嘅自助餐，嗰個旋轉雪糕櫃令我留下深刻印象🥹相隔兩年得知今次有特別主題嘅自助餐🍽食物選擇豐富多樣化😍忍唔住再嚟試吓😋餐廳叫The Farmhouse顧名思義用牧場為主題，木系裝修令人身處喺外國農莊🪵感覺幾舒服😌另外窗邊位置有海景👍🏻為切合自助餐主題，餐廳安排有個位置放咗墨西哥民族樂器俾客人打卡影相📸️📌冷盤自助餐普遍冷盤都有😍例如：海鮮：紐西蘭蜆、澳洲青口、麵包蟹、鮮蝦、翡翠螺魚生：三文魚、吞拿魚、鯛魚、希靈魚仲有壽司、冷蕎麥麵、唔同嘅現成沙律、幾款ham & cheese、 煙三文魚，另外有即製凱撒沙律、秘魯魚生沙律等等🥗📌熱盤首選係巴西燒烤：燒香草腸、羊架、牛扒、雞肉、菠蘿，比較特別嘅係西班牙肉腸包🌯另外一定要試即製墨西哥薄餅🌮入邊有蝦同肉碎及唔同配料，再加上牛油果醬、酸忌廉同番茄蓉超級好食😋仲有nachos脆片🤤同幾款美洲食物：阿根廷香草烤雞、肉醬芝士釀椒等等。其他食物仲有自助餐基本一定有嘅熟食，例如燒味、點心、炒飯炒麵，即煮粉麵，印度咖喱及薄餅🍛不能盡錄⋯⋯📌甜品呢個自助餐嘅甜品最值得推介‼️超級推薦旋轉雪糕櫃，有多達10幾款Gelato選擇🍨🍧我食咗椰
大概兩年前我已經去過呢間酒店嘅自助餐，嗰個旋轉雪糕櫃令我留下深刻印象🥹相隔兩年得知今次有特別主題嘅自助餐🍽食物選擇豐富多樣化😍忍唔住再嚟試吓😋
餐廳叫The Farmhouse顧名思義用牧場為主題，木系裝修令人身處喺外國農莊🪵感覺幾舒服😌另外窗邊位置有海景👍🏻為切合自助餐主題，餐廳安排有個位置放咗墨西哥民族樂器俾客人打卡影相📸️
📌冷盤
自助餐普遍冷盤都有😍例如：
海鮮：紐西蘭蜆、澳洲青口、麵包蟹、鮮蝦、翡翠螺
魚生：三文魚、吞拿魚、鯛魚、希靈魚
仲有壽司、冷蕎麥麵、唔同嘅現成沙律、幾款ham & cheese、 煙三文魚，另外有即製凱撒沙律、秘魯魚生沙律等等🥗
📌熱盤
首選係巴西燒烤：燒香草腸、羊架、牛扒、雞肉、菠蘿，比較特別嘅係西班牙肉腸包🌯另外一定要試即製墨西哥薄餅🌮入邊有蝦同肉碎及唔同配料，再加上牛油果醬、酸忌廉同番茄蓉超級好食😋仲有nachos脆片🤤同幾款美洲食物：阿根廷香草烤雞、肉醬芝士釀椒等等。
其他食物仲有自助餐基本一定有嘅熟食，例如燒味、點心、炒飯炒麵，即煮粉麵，印度咖喱及薄餅🍛不能盡錄⋯⋯
📌甜品
呢個自助餐嘅甜品最值得推介‼️超級推薦旋轉雪糕櫃，有多達10幾款Gelato選擇🍨🍧我食咗椰子同綠茶味💚另外切合主題有幾款拉丁美洲甜品，之前從未食過🤣例如墨西哥大米布甸、阿根廷焦糖爆谷班戟等等
📌飲品
係雪櫃可以自取罐裝汽水，有即沖咖啡機☕️熱水機旁邊有幾款茶包及檸檬片🍋另外有檸檬茶
張貼
