大都烤鴨 (裝修中)

屋企人由美國返港探親，知道佢鍾意食烤鴨。今日專誠揀咗去大都烤鴨。八個人先揀咗個六人套餐（$2088），另加左野菌炒麵，素餃子同二菘炒鴨未。套餐先來頭盤五小碟，除咗一隻大都烤鴨之外，有花膠燉津白，江南松子魚，黑蒜蝦球，瑤柱木耳浸菜苗，炒飯同小籠包，食物分量十足，8個人都食唔曬，味道質素亦有驚喜。最後仲話加咗幾個特色甜品，分別係小鴨子酥，蒸禧豌豆黃，仲有爐打滾，一家人也大快朵頤。特別推介松子魚，起曬肉最啱老人家同小朋友。