越萊 (廟街)

營業中

休息中

晚市禁堂食之後， 好少可以6:00之前係餐廳走到，今日早咗放工，見呢間野好似幾抵食，一於試下。六點前仲係’午餐’，叫左個豬扒撈檬($48)，送熱柑桔蜜，可以揀加個小食($12)，試左蒜香牛油雞翼。豬扒較薄身，食落去好似有啲甜甜地，好入味，而且分量都多。檬粉都好大份，之前驚食唔哂，己經叫左扣底，都仲好大碗，一個女仔正常食量應該唔會食得哂。配料都係嗰啲，青瓜絲生菜絲紅蘿蔔絲。蒜香牛油雞翼上面真係有啲蒜蓉，而且炸得好趣，好惹味。我食完個陣己經坐滿哂八成位，都幾爆場，但係待應態度好好，好有耐性，而且會唔該前唔該後☺️好鐘意餐枱枱邊位置有個掛鉤，可以放袋，好貼心。可以再試！✌🏻