越萊 (廟街)

營業中

休息中

去越南前係香港食返餐港式越南菜先～ 紅酒燴牛尾鍋配飯 78 加蒜蓉包 18去過越南先知原來好多越南菜口味都偏甜 同香港味道都幾相似。牛尾炆得軟腍 非常入味 仲有唔少蔬菜 甜甜酸酸咁 好好味。蒜蓉包本應得兩塊 但店家話整多咗送多兩塊畀我 人真好。麵包軟熟 不會烤得過硬 剛剛好😋 西貢馬拉盞炒通菜 32可能係越南地區 口味不同 同想像中和平時食開嘅馬拉盞有啲唔同。沒有太多辣味 都係淡淡甜甜的。 咸檸可樂 +15咸檸檬芝自家醃製 畀起咸檸7 我更喜歡咸檸樂。餐廳服務週到 態度親切 會再回頭👍💖

本身同媽媽夜晚去廟街夜市行下，點知就咩都冇食到，反而去左廟街嘅依間越南餐廳，食左個好滿足嘅晚餐。順化香辣河粉好豐富嘅湯麵，有肉碎扎肉牛丸牛𦟌蘿蔔。特別鍾意牛丸，牛丸食落彈牙多汁。每樣嘅份量都好多。我選擇咗河粉，河粉屬於比較幼身嘅，索晒啲湯，每啖食落去都食到香辣嘅湯。附上檸檬辣椒同香葉芽菜，我將全部都加晒落湯入邊，鍾意酸酸哋嘅感覺很開胃。辣度嚟講我覺得很可以接受，唔算好辣。另外附送咗菜心苗，啱晒成日外出食飯嘅人，食多啲菜更健康。湯麵仲可免費加熱菜蜜。三式滋味雞肉撈檬撈檬超級豐富大份嘅撈檬，有好多餸，每樣份量都超級多。而且每一樣餸都做得好好，質素好高。雞髀嫩滑帶少甜味，雞翼炸到好香脆，烤豬肉香茅味濃郁。倒埋撈檬汁落去檬粉到，開胃消暑。非常推薦比三心兩意嘅人食，可以一次過試哂多款餸。加15蚊配紅豆冰，紅豆份量多而且香甜，而且飲落椰味香濃。

我一直都好鍾意食越南嘢，今日走到嚟呢間越南舖頭係因為見到間舖頭入面裝修好越南風格然後上網睇間食評都唔錯，所以就入咗嚟一入門口已經覺得自己好似身處咗喺越南入面咁，打開個Menu睇，覺得好多嘢食，唔知點樣揀好之後我就揀咗兩個主食，一個係三餸牛肉湯檬，同埋一個河內蝦仁米紙卷，拼多個雞湯浸蘿蔔想講呢間餐廳入面嘅牛肉湯同雞湯都非常出色，特別係個牛肉湯就一路食一路飲，本身叫咗杯熱菜蜜都飲少咗因為真係好好味牛肉味好濃郁米紙卷亦都非常好食，個蝦仁好爽，入邊啲粉絲都好有味，食到好飽。見到間餐廳去到夜晚九點都仲好多人來食宵夜，就知道間餐廳都好受歡迎非常推薦

今日去到越萊Pho Bo，首選佢哋嘅"越萊精選火車頭"，份量正正，勁滿足！湯底清新得黎帶點甘香，生牛肉滑溜溜，豬軟骨又軟又爽口，簡直係牛肉湯面中嘅勁選！同盤友一齊share，仲一路扒飯一路讚好食，真係滿足！嗌咗個"沙沙汁魚柳包"，香脆得來又唔會太膩，魚柳鮮嫩多汁，包裝嘅沙拉清新，個個咬落去都攞嚟開心🥳。食法簡單直接，但味道絕對唔簡單！而家呢個"照燒雞扒豬頸肉撈檬"都係另一個highlight😲。料足味美，又係份量十足嘅好選擇！撈起嗰刻，鮮艷嘅蔬菜搶眼，但食落最正嘅，係嗰股燒香味同肉嘅嫩滑！嘆埋杯"熱柑桔蜜"🍵，清新滋味中仲帶啲細細嘅甜味，完美滿足番個胃！食嘢experience好正，充滿咗傳統越南色彩，會令你想再番嚟一試！好正！好正！好抵食！

今日同朋友放假，去咗佐敦廟街行街，經過一間越南餐廳，就試吓去聲，因為見到個招牌好靚，入邊裝修企理，衛生程度唔錯，所以就吸引咗，就去試吓，然後發現呢度嘅牛湯河真係好好食，專業水準，一定要推介啲朋友食啊，呢度我每次嚟到都見到有例牌自選兩餸，或三餸湯河飯，佢哋一定要叫招牌牛肉湯，因為個湯底真係有好重嘅牛骨龍汁湯，非常好味，而且佢哋嘅湯底都係清甜不油膩，非常之暖位啊，冬天食左成知人都暖笠笠，飲完都唔會非常口渴啊，而且加埋河粉，真係好好食呀，而且份量十足，真係好抵食呀，而且佢都有唔同嘅配料選擇，有蘿蔔，娃娃菜，手撕雞，牛腩，仲有牛油，仲有佢哋嘅豬頸肉都好好食㗎，加埋蜜糖醬，甜甜地，真係好好食呀，而且入邊嘅服務非常好， 侍應全部都好主動同埋好親切，所以我覺得真係加分啦

呢排都好想食越南菜，於是上網搜尋，睇吓有冇推介香港邊一間高質素嘅越南菜，我見到好多人都推介呢一間越南菜，於是放工同同事一齊去食，估唔到質素非常高，真係一試就愛上了，簡直係隱世美食餐廳，位置非常方便，響佐敦站，行兩至3分鐘，就好容易搵到呢一間餐廳，非常方便，而且佢都有其他分店㗎，大家都不妨試吓啦，呢度嘅食物質素都好高㗎，又有麵類有飯類，仲有好多小食選擇，而且呢度嘅裝修都好靚，好衛生，簡潔，俾人舒服嘅感覺，好適合一大班朋友，情侶，或者一間嚟食飯啦，而且地方都好闊落，唔會太迫，我哋非常之推薦呢度嘅湯河類，佢哋嘅豬軟骨，豬頸肉，豬扒都好好食，湯底濃郁，而且賣相好靚，睇得出廚師都好有心思，為客人準備食物，而且佢哋嘅牛肉質素好高，皮薄餡靚，真係非常之好食呀，而且豬扒仲有蜜糖味，感覺非常夾😋😋😋😋

✨兩次都係在工作日晚上到店用餐，唔需要等位，不過餐位比較緊逼。✨點粉都會送一杯熱柑橘蜜，可以加錢換特飲，今次換佐一杯「椰汁紅豆冰」，味道幾好，唔會過甜，飲品不能選擇甜度。✨經典撈檬，係食肉獸嘅最愛😝肉量非常多，豬扒好好味，蜜糖味好正，不過肉質比較柴，太實。豬頸肉比較瘦d，再肥少少會更好。撈牛肉味道正常ok。✨今次係自選兩餸湯河，選擇生牛肉+牛筋。之前試過「牛萊了」，兩次都好正，真心推薦食湯河！不過氣溫低，湯唔夠熱，希望再調整下。✨下次再去試下「紅酒牛尾飯」

牛萊了$78 依款湯面可以揀河粉或者撈檬，材料方面就有生牛肉、牛腩、牛筋、牛丸2粒、牛𦟌。牛腩、牛筋同埋牛𦟌用咗滷水醃製，加埋個湯一齊食好入味。大大碗湯河！額外仲會有另上嘅青檸同埋辣椒粒。大家如果六點之前嚟食嘅話，小食方面買一送一，超級抵食。蒜香牛油雞翼兩件$28 牛油雞翼，炸完之後個皮好脆。蒜香味唔會太重，食完之後冇口臭。牛油味炸完之後配埋酥脆嘅雞翼外皮，額外香口。河內蝦仁米紙卷兩件$28 蝦仁好大隻，而且冇雪味。米紙卷材料好豐富，一大啖都食唔晒。蘿蔔絲、青瓜絲同埋生菜好refreshing ，作為前菜好開胃！

今晚同朋友收工後去了佐敦廟街行下,  然後去了附近這間越式餐廳吃晚餐.炭燒豬頸肉 ($42): 豬頸肉燒得好香口, 好惹味, 一點也不韌, 幾好食.三餸越式自選湯粉 ($74) :我選了自選湯粉, 湯底選了招牌牛骨湯, 三餸選了生牛肉, 牛腩, 牛骨濃汁牛丸 .不得不說, 牛骨濃汁牛丸是一定要吃, 非常香濃的牛汁, 真的很好吃. 可以說是我吃過這麼多餐廳裡面, 這是我吃過這麼多牛丸裡面最好吃的, 真的是必吃,熱柑桔蜜 : 酸酸甜甜咁幾好飲.不錯.越萊蒜香牛油雞翼 ($38) : 蒜香牛油味真的非常香口, 好好味, 同雞翼又好夾, 幾正. 雞翼炸得又脆口好食.安格斯牛魔王牛骨湯粉 ($128) : 安格斯牛真的肉質和口感更好, 吃得出是優質的牛, 很重牛味, 很好吃, 不錯.埋單最後$292, 價錢合理, 都抵食.

越式河粉有一種莫名吸引力 表面平平無奇 湯底其實極度濃郁 食過越萊幾次 仍然保持到水準 久唔久就會過黎食下 屬於飯堂系列每次嚟呢度都係例牌自選兩餸生牛肉加升級配料牛骨濃汁牛丸2粒 (另加HK$8) 配招牌牛骨湯以及河粉 (HK$52) 夾埋只係HK$60 好抵食招牌牛骨湯湯底清甜不油膩 好暖胃 飲完亦唔會口渴 有料到😌 連河粉一齊食 不知不覺飲咗半碗湯河粉煮得岩岩好 正餐黎講 份量足夠生牛肉雖然上菜時已近乎熟透 但肉質仍然嫩滑 淡淡牛肉香味而升級配料牛骨濃汁牛丸肉質厚實 味道濃郁 yummy😍每碗湯粉都會附送兩舊白蘿蔔以及熱柑桔蜜呢兩舊蘿蔔都唔失禮 清甜入味😋而熱柑桔蜜屬於正常發揮系列評分 (🌕🌕🌗:正常)性價比:🌕🌕🌕🌕🌕味道:🌕🌕🌕🌕🌕服務:🌕🌕🌗🌑🌑價錢:🌕🌕🌕🌕🌕賣相:🌕🌕🌕🌕🌑環境:🌕🌕🌗🌑🌑結論: 飯堂系列 可以再去 喺附近會揀⛺越萊📍佐敦廟街306號地下D號舖

九龍區食個lunch閒閒地都七八十蚊起跳，真係食到荷包乾硬化，點知見到呢間越南粉鋪，3餸只係58蚊，加6蚊仲有凍飲，梗係入去睇下佢乜料！入去裝修都是是正正，係位同位比較迫啲，不過唔緊要，食個晏啫。望一望餐牌，除左有10零款餸菜可以揀，連湯底都有牛骨同雞湯揀，仲可以揀河粉同檬粉，真係越式車仔麵咁。最後揀左牛骨湯河，配菜就係蘿蔔，牛筋同招牌生牛肉，碗河仲配有青檸辣椒粒同銀芽，相當地道。成碗河都好足料，一個大男人食完都夠哂飽，都係60零蚊，抵。

越南pho好似有個魅力，食開就日日想食 ，如果喺佐敦區返工嘅，一定會知道呢一間性價比超級高嘅越南餐廳，通常一到食飯時間，都一定爆座，而且好多時候你會見到好多適合都係男士，你就知道菜式幾有份量！ 🥰我自己最鍾意食嘅就係牛萊了入邊有哂生牛肉，熟牛肉，牛根 仲有個牛丸真係超超超好食，咬落去係會爆汁果隻😛越萊經典撈檬就岩哂肉食大王，入邊有豬扒啦豬頸肉香茅牛肉等等，真係大大滿足小食強烈推薦大家叫佢-茄子既滑加上牛油烤大蝦同帶子的香氣，店員會建議 千其唔好分開食，一啖食先可以感受到果種味蕾衝擊

今日行過廟街見到呢間越南粉麵鋪都唔少人，價錢又唔貴，一個越南粉$50-$80，仲包一杯熱柑桔蜜，所以就入左去食晚飯，鋪頭座位唔算多，有雙人位同吧臺位置，餐廳裝修都幾有越南風牛萊了有牛腩，牛𦟌，牛筋，牛丸同生牛肉，牛𦟌牛筋牛腩三款牛肉都炆得好夠火候，筋位都好夠淋，另外牛丸質素都好高，中間有唔少汁，又香牛肉味，而生牛肉比熱湯淥到7-8成熟，肉質軟熟最後個湯底都值得一讚，同係越南食到既有8-9成相似👍🏻👍🏻牛筋牛腩河（自選粉)牛腩同牛筋一樣炆得夠淋又香肉味，另，呢度既河粉同平時中式河粉有少少分別，冇咁易斷同埋嗦到唔少牛骨湯嘅味道菜心苗菜心香甜冇渣熱柑桔蜜雖然係隨餐附送，但都幾足料，好香柑桔味

🎀越萊⁡✩‧₊牛萊了ɴᴏᴏᴅʟᴇs ᴡɪᴛʜ ᴍᴇᴅɪᴜᴍ ʀᴀʀᴇ ʙᴇᴇғ, sʟɪᴄᴇᴅ ʙᴇᴇғ ʙʀɪsᴋᴇᴛ, ʙᴇᴇғ ᴛᴇɴᴅᴏɴ, ʙᴇᴇғ ʙᴀʟʟs ᴀɴᴅ ʙᴇᴇғ sʜᴀɴᴋ據知「牛萊了」一直都是人氣高企的菜式嗜牛者必吃之選一碗麪包含了生牛肉，牛筋，牛腱牛腩和牛丸生牛肉肉質鮮嫩呈粉紅色很討喜牛筋和牛腩軟腍很易咬開牛鍵正常水準兩顆牛丸很彈牙香料味不重湯很清甜不油膩外食健康之選⁡ᴏᴠᴇʀᴀʟʟ味道ᴛᴀsᴛᴇ:💕💕💕💗 𝟽.𝟻/ 𝟷𝟶價錢ᴘʀɪᴄᴇ : ~$𝟾𝟶*☼*―――*☼*―――*☼*―――*☼*―――*☼*⁡⁡⁡ ⁡⁡

今日約咗朋友一行三人食飯，朋友介紹佐敦嘅越南餐廳，位置喺廟街近柯士甸道，佐敦站行過嚟幾分鐘，好近容易搵。餐廳空間足夠，枱櫈闊落，所以坐得幾舒服。餐牌上有越式湯河、檬粉、小食等，我點咗名叫”牛萊了”嘅湯河，有牛腩、牛肉、牛𦟌、牛筋、牛丸、蘿蔔等等，太太就點咗順化香辣湯粉，辣度恰好，如果中意食香辣但又怕好辣既朋友仔都可以一試，幾好食，另外我哋有叫咗胡志明綜合拼盤，全部款都好好食，蝦餅夠彈牙，春卷夠酥脆，串燒肉嫩滑，而且份量都幾大，我哋三個人都有少少眼闊肚窄，食到大半已經好飽，性價比都很高。餐牌上面仲有越式三文治，賣相都好吸引，下次必定再去試吓。