越萊

Pho Bo
12
0
0
港鐵佐敦站 C2 出口, 步行約4分鐘 繼續閱讀
電話號碼
55067056
營業時間
今日營業
11:30 - 22:30
星期一至日
11:30 - 22:30
*截單時間:22:00
付款方式
AlipayHK 支付寶 現金
座位數目
30
其他資料
當面支付
有關餐廳
地道越南味 結合車仔麵划算食法
超過10年經驗的越南菜大廚主理,將越南地道味結合車仔麵概念,可隨意自選湯底、湯粉、配料,用抵食價錢就食到自己喜歡的PHO!3款湯底有熬足一日的招牌牛骨湯、純素番茄濃湯、清甜的清雞湯,全部湯粉均由越南進口,配料選擇多達16款。同場有多款越式小食,必試大廚獨創大大隻燒帶子明蝦涼拌茄子,所有米紙卷、炸春卷都是人手包製,保證新鮮足料。

招牌菜
醃雞絲牙車快沙律 燒帶子明蝦涼拌茄子 火車頭 越萊湯粉(招牌牛骨湯,番茄濃湯,清雞湯) 炭燒豬頸肉撈檬 炸蝦餅撈檬
食評 (17)
等級4 2020-02-04
331 瀏覽
與好友參加試酒會前,為免飲醉,之前來個下午茶打打底是個相當好的選擇;曾經聽過同事推介,位於佐敦區有間叫越萊的越式餐廳,其下午茶時段價廉物美,非常值得一試,所以留有印象;於是經Openrice大神查看一番後,便決定前往;與好友一起從佐敦地鐵站出來,步行了5分鐘左右就到,地理位置頗是理想;以粉藍加上白色為主調的門面裝飾,給人有一種平靜和諧的感覺!店內走舒適小店格局,同樣是以藍白色為基調,配上柔亮的燈光,加上暖木色的配合,置身在內令人感覺很舒適!而在長木檯上,每個餐位上還加上一個精緻的木托盤,用來擺放食物,而且方便收早,是細心的設計!從點餐紙上看,食物選擇方面的組合可謂靈活多變,而且十分清晰,所以好友與我很快就選好了食物;加上特飲配餐只需加上8元,當然是不會錯過的!趁空檔與好友閒聊著晚上的試酒會,各自選的食物也很快就上來了;此店以越式牛肉粉Pho來掛帥,我當然要點來一試;侍應生遞上香氣四溢的牛肉粉,份量看起來十分充足!除傳統的生牛肉以外,我還加點了本人甚喜愛的牛筋;而配料方面,用了另外的器皿盛載著九層塔,青檸與指天椒,給客人自由添加,是十分人性化的做法,值得嘉許!選取了牛骨湯底,自然要試試原汁原味;果然是清澈純粹的牛骨湯,且不乏生牛肉及牛筋賦予更多的層次!接著擠些青檸汁融合在湯底,再放上金不換及指天椒,就來細品這越式Pho;檬粉吸收了湯底精華,在爽滑的質感上更討人喜歡;生牛肉泡在熱辣辣的湯粉中,以接近多於半生熟的狀態下夾進口中嚐味,特別感受到其香軟嫩滑的質感!加上金不換來吃,那濃烈的香味更溫潤了整個味蕾!而牛筋帶點滷水的味道,爽彈中又帶點綿滑的口感,尤其有指天椒那辣勁相配,特別美味!用牛筋與好友交換了豬肉扎肉,吃起上來也頗為美味的,其本味與檬粉稱得上是十分合拍!另外,不得不稱讚是那吸收得最多精華元素的蘿蔔,那接近一咬即溶的質地,太討喜味蕾了!小食方面,點了個醃雞絲牙車快沙律,是以蝦片,沙律雜菜加上雞絲而成,吃來帶著清新的口感,而加上醋汁之後,生洋蔥絲的辣味連上酸味,令沙律雜菜更添甜美!最後來杯越萊椰青特飲,鮮椰絲搭上梳打,喝起上來清潤透心,兼有清熱之效,是個美好的收結!在舒適的環境中,一個讓人吃得稱心滿意的越式下午茶Pho,而且免收加一,價錢相對地便宜,讓好友及我都覺得此店是在同類食肆中,屬優質之選! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-01
981 瀏覽
佐敦開咗這間越式餐廳一段時間週末中午成日好多人排隊見人龍只有三四人就去排排咗幾分鐘就入得去 好快排隊嗰陣時 職員俾咗點餐紙俾我哋一開頭唔知係雙面以為只有湯粉同撈粉後尾先知有飯有飲品叫咗一個生牛肉骨湯金邊粉又抵又好食 白蘿蔔好林 又有香草料 風味唔錯 $34 仲有野飲叫咗個精選拼盤$18(11:30-15:00)最值得欣賞就係蒜香牛油雞翼好香脆 又唔油 炸粉唔會太厚春卷冇乜味道 普普通通燒帶子明蝦涼拌茄子帶子都幾大粒 唔錯另外試咗香茅豬扒煎蛋飯$45都幾好 煎得幾香當然要再去啦又去試下其他野火車頭似車仔麵多啲因為配料方面唔似外面既火車頭老公嫌佢個湯唔夠熱亦都比較淡個牛骨湯欠層次🤷🏻‍♀️ 冇八角胡椒味(我都唔係好識)亦無佢鍾意既牛丸同牛柏葉所以佢有點失望 不過就有牛肉扎肉 外面比較少見味道有啲似台灣黑椒豬肉腸嘅味道我就試咗豬頸肉撈懞豬頸肉煎得好香 肉質彈牙 味道偏甜撈懞個汁亦偏甜 冇乜酸味可以落多少少醋 今次就叫三隻雞翼一樣咁香脆不過咁樣叫法就太多啦 食唔曬咖啡奶茶都係港式口味 幾合我心意不過下次都係叫普通湯粉 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-24
0 瀏覽
最近鐘意食越南菜感覺健康 清新今日經開佐敦試一間新店 越萊雖然地方唔算大但有小店既親切感環境光猛新淨企理我同朋友五點到朋友食越式湯河要左招牌牛骨湯配料要生牛肉 雞腎 豬肉扎肉個湯濃度岩岩好夠味 又唔係味精生牛肉控制得岩岩又嫩又入味我就要左越式凍撈檬配料 要炸蝦餅 香茅雞翼炸蝦餅 漲卜卜 份量好足唔油膩 而且非常彈牙香茅雞翼真正外脆內軟另外都叫左小食酸辣鳳爪處理得好好夠凍 又夠酸平時好多時 夠辛辣但忽視左酸度總括黎講服務有善環境舒服食物都好味道 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-16
0 瀏覽
午餐,想吃一點粉麵,行過此店,感覺企理。點了香茅牛肉撈檬粉、雞翼、鳳爪,還有椰青特飲。味道真的很不錯,香茅牛肉夠味又不老,魚露也不會過鹹,份量適中,是我吃過數一數二的撈檬。雞翼有牛油香,而且脆,最喜歡那個有頂帽的籃子,很有越南風格。很久沒有吃鳳爪,這個也令我回味,不會過酸過辣,口感夠爽。馬拉盞炒通菜是我很喜歡的菜式,好吃。椰青特飲只一般。整體份量足夠,味道很好。雖然店是比較小,但簡單一餐則是很好的選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-10
0 瀏覽
本身今日諗著過來買口罩,點知去到間間都買唔到,淨係買左枝消毒洗手液,見冇乜收獲,又去發掘下新餐廳先。周圍行緊既時候,見到呢間藍色既餐廳好似新新地,就入去試下,店內好多貼心小設計,餐廳雖小有排面出去窗既吧枱,但有層磨砂紙可以比你坐響果面都唔怕比出面既人望著咁尷尬,座位間亦有掛勾可以勾著個袋。野食方面都幾抵食,有車仔麵型式既越南湯麵同撈麵揀,所以就各揀左一份:越式湯河 揀左招牌牛骨湯既金邊粉,生牛肉,牛肉扎肉,牛𦟌。湯底好甜,配上羅勒,青檸,洋蔥,辣椒等調味,充滿越南感覺既湯粉,正呀。越式凍撈檬 香茅牛肉,炸蝦餅,脆皮蝦卷,香茅豬扒,同碳燒豬頸肉,撈檬冇湯睇落仲大份,連配菜都係,厚厚既炸蝦餅,好似另外一碟餸既香茅牛肉。另外汁都唔係平時紅色果種酸辣汁,不過太搶食物滋味。唔知係咪行左成日太攰,明明好大碗男朋友都話呢到d 野幾好味,不如再叫多個下午茶套餐黎share,又顯大食本識,所以再叫左個越南法式吉列豬扒包$32,下午茶餐勁抵食,個包勁大份,厚厚一層加上即炸既吉列豬扒,好味。 繼續閱讀
(以上食評乃用戶個人意見 , 並不代表OpenRice之觀點。)