阿木台灣麵 (廣華街) (已結業)

行開旺角，見有時間剩，就走去食個Tea先。平時見到呢間阿木台灣麵，多人到一個點，今日見唔多人排隊，於是就試一試佢我去嘅時候，大約係下晝3:00 ，排咗15分鐘左右，就可以安排入座，雖然係平日嘅下午茶時間，但係都滿晒座下午茶餐都幾抵食，$36就有主食、3款小食，再加飲品下午茶套餐 ($36)麻醬乾伴麵好香嘅麻醬味，加上青瓜絲，感覺好fresh。我心裡面以為麻醬麵係凍嘅，但呢個乾伴麵係熱嘅，不過都好食，因為麻醬味夠濃，唔係俾人溝咗水嘅湯小食可以揀三款，我揀咗鹽酥雞，台灣腸，同醃小黃瓜，我最鍾意小黃瓜，酸甜比例啱啱好，好開胃！如果唔係太多人排隊，我一定會keep住幫襯😂