影片
更多
2020-03-12
103 瀏覽
抵食新日本餐廳話說星期六有事同女朋友一定要出去銅鑼灣，雖然唔太餓，但難得岀到嚟梗係要用盡個口罩，食埋飯先返屋企啦。 由於鍾意去登龍街嗰幾間餐廳都相繼倒閉，就諗住去金百利搵食。有去過金百利既都知樓下啲大媽傳單攻勢幾猛烈，難得見有個後生仔話樓上有間日本野新開張，心諗係咁嘅時勢都夠膽開張就去試吓啦.......原本諗住淨係食個丼飯就算，但睇睇下個menu 發現佢原來有好多sake 同小食都好似幾吸引又幾平，最後都係決定丼飯都係留返lunch ( 最平$68就有魚生飯😳)。 Sake 個人覺得算係多款揀嘅，300ml 同720ml 加加埋埋都有廿幾款咁濟，重點係價錢比一般日本餐廳平！所以最後都點左支。見佢d小食都有唔少選擇 (太約$25-$70左右)，點左個雞軟骨同魷魚一夜干，兩樣野都幾香口，配sake 都幾啱，不過下次再食可能配啤酒仲開心😂除咗小食之外我哋仲叫咗個美國牛肩胛鍋。有成十幾片牛，牛質素完全係超班過我預期，再加個烏冬，食完真係好滿足！刺身拼盤就真係同張傳單一樣有成9款！魚生都好新鮮同肥美，特別係個大拖羅，雖然唔係好大片，但係好似食落口個下真係好開心。老實講，一開始見佢係新開冇咩人，
話說星期六有事同女朋友一定要出去銅鑼灣，雖然唔太餓，但難得岀到嚟梗係要用盡個口罩，食埋飯先返屋企啦。 由於鍾意去登龍街嗰幾間餐廳都相繼倒閉，就諗住去金百利搵食。有去過金百利既都知樓下啲大媽傳單攻勢幾猛烈，難得見有個後生仔話樓上有間日本野新開張，心諗係咁嘅時勢都夠膽開張就去試吓啦.......
原本諗住淨係食個丼飯就算，但睇睇下個menu 發現佢原來有好多sake 同小食都好似幾吸引又幾平，最後都係決定丼飯都係留返lunch ( 最平$68就有魚生飯😳)。
Sake 個人覺得算係多款揀嘅，300ml 同720ml 加加埋埋都有廿幾款咁濟，重點係價錢比一般日本餐廳平！所以最後都點左支。見佢d小食都有唔少選擇 (太約$25-$70左右)，點左個雞軟骨同魷魚一夜干，兩樣野都幾香口，配sake 都幾啱，不過下次再食可能配啤酒仲開心😂
除咗小食之外我哋仲叫咗個美國牛肩胛鍋。有成十幾片牛，牛質素完全係超班過我預期，再加個烏冬，食完真係好滿足！
刺身拼盤就真係同張傳單一樣有成9款！魚生都好新鮮同肥美，特別係個大拖羅，雖然唔係好大片，但係好似食落口個下真係好開心。
老實講，一開始見佢係新開冇咩人，都有啲擔心食物會唔會唔新鮮。但試完之後有啲喜出望外，真心覺得唔錯。其實佢食物嘅份量，都幾適合三四個人一齊嚟食飯，下次叫多幾個朋友再試過。
雖然係運作上係有少少甩漏，但以一間開咗幾日嘅餐廳，我明白運作上係要磨合下嘅。不過我地埋單個陣佢地都好主動問我地意見，希望之後會愈做愈順，疫情過後唔會又少咗間好餐廳啦😅。
題外話，佢個餐牌真心表達得一般😅要花少少眼力先搵到好嘢食😂
張貼
