飯舍 (已結業)

飯舍係石湖墟街市熟食中心，有堂食有外賣，岩晒一班打工仔👍🏻呢度主打兩餸飯，絕對係依家既trend呀！我今次有時間就坐低堂食，先食左秘製豬腳飯🐷豬腳切開一舊舊，軟腍既豬腳加上燒汁好好食，仲有一堆咸酸菜伴碟，就咁送飯都已經好好食啦，超正呀！另外朋友就試佐呢度既兩餸飯，但佢就叫佐三餸😆 干扁四季豆，鹹蛋蒸肉餅同埋豉汁蒸排骨，四季豆入味爽脆，咸蛋肉餅就當然都係送飯好餸啦，咸蛋唔會太咸，醃過既肉餅又好有味，而豉汁蒸排骨都好出色，排骨蒸到岩岩好，唔會好韌，全部用黎食飯一流呀！我地再一人叫佐一罐汽水黎飲 好正呀！