尖沙咀凱悅酒店咖啡廳

適逢老公生日就周圍搵酒店自助餐睇下邊間好食睇左幾日，見到呢間食評唔錯就打電話訂位生日仲有蛋糕寫埋名送到你張枱未去已經好感大增呢間酒店自助餐，最出名就係佢既龍蝦而我地就係衝住佢既龍蝦而黎果然無令我地兩隻龍蝦懂怪失望龍蝦大大隻，份量十足，十分新鮮，爆哂蝦膏新鮮既海鮮就咁白灼已經食得出好鮮甜蝦肉彈牙仲有好多隻醬可以比你自己配但我同老公一致覺得就咁食已經good good good啦我自己一個人都食左兩隻半😂另外刺身都好新鮮，每晚仲有即開油甘魚tim一打鼓全部人衝哂出去睇師傅劏魚我又趁呢個時間靜雞雞走去拎多幾轉龍蝦（老公出去排隊成功拎到油甘魚，果然十分新鮮）另外仲有鐵板燒和牛，鵝肝，羊架，菠蘿...即叫即燒熱辣辣，仲可以order 師傅幾成熟tim 仲有即炸天婦羅我食左好多舊蕃薯呀🙊熟食區選擇唔算好多但樣樣水準都幾好甜品區都有大量選擇仲有豆腐花，棉花冰，雪糕...另外侍應服務好好，會主動走黎換碟+水到老公去左廁所果時，仲主動走黎問我要唔要上蛋糕坐位亦算寬敞，坐得唔迫選擇雖不算太多，但食物質素好，真心推介