帝樂 - 德國餐廳 (美利樓) (已結業)

今次星期六嚟到呢間德國餐廳食下午茶自助餐，佢由2:30開始，食物種類雖然唔係好多，但有佢嘅招牌食物豬手，即場會有廚師切俾你，味道都算唔錯，平時如果食要叫一隻一定食唔晒，係自助餐食就可以食少少，又食下其他嘢，佢在場都有啲燒烤嘅食物，都係有廚師場燒給俾你，廚師仲好熱心介紹有啲乜嘢好好食，仲介紹咗個燒火腿肉俾我哋食添，味道都唔錯㗎。甜品類別款式雖然唔係好多，但都仲有雪糕食，不過味道就只有一款選擇，我咁好彩今次食到紅豆味，紅豆味嘅雪糕真係好好味。好鍾意呢度嘅環境，就算坐喺戶外都唔會太熱，可以望住過海一路食，幾寫意。