影片
更多
2019-05-14
39 瀏覽
遇到親民價的任食火鍋，決定要推介吓。 $198 一位，已包湯底及七款生猛海鮮，自選八款人氣火鍋配料。另外，丸類及蔬菜是任食的，兩小時夠曬食。餐牌上都幾多特色野，豬牛雞的隱藏部位例如黃喉、天梯、蝴蝶腩、牛心頂⋯⋯唔係周圍有得食架 ，好想試曬佢。湯底叫左胡椒豬肚湯，都幾多豬肚，同埋腐竹，湯底越煲越有味，用來打邊爐真心正。每位都包的海鮮拼盤，一共有七種時令海鮮。大蟶子、蝦、桂花蚌、大鮑魚、蜆、蠔同斑塊。當中我覺得斑塊最正，肉質結實得來又夠滑。而鮑魚同蚌都夠曬大隻，熟左都冇縮水。手切封門柳，都幾靚仔。新鮮手切，有厚度有牛味得來又唔韌，難得難得。三寶丸全部手打，有牛丸魚丸同墨魚丸，食得出D料係新鮮的。脆鯇片 ＋白鱔片，爽脆鮮嫰又有魚味，兩樣都好正，必叫。可惜只限一輪，否則一定勁食勁食勁食。原條大魚鰾第一次咁食法，魚鰾原條上，king size 食得十分過癮。烚之前要用竹簽督穿佢先，否則好難先會熟。潮洲魚蛋，夠大粒幾彈牙，好耐冇食過呢種滋味。冰豆腐夠索汁，配合胡椒湯底，辣辣地好好食。其他仲有水魷、黑柏葉同牛骨髓，口感大滿足。蔬菜種類算齊全，亦夠新鮮。上菜快火又夠猛，不停烚不停食，未夠兩個鐘已經好飽
$198 一位，已包湯底及七款生猛海鮮，自選八款人氣火鍋配料。另外，丸類及蔬菜是任食的，兩小時夠曬食。
餐牌上都幾多特色野，豬牛雞的隱藏部位例如黃喉、天梯、蝴蝶腩、牛心頂⋯⋯
唔係周圍有得食架 ，好想試曬佢。
湯底叫左胡椒豬肚湯，都幾多豬肚，同埋腐竹，湯底越煲越有味，用來打邊爐真心正。
每位都包的海鮮拼盤，一共有七種時令海鮮。大蟶子、蝦、桂花蚌、大鮑魚、蜆、蠔同斑塊。當中我覺得斑塊最正，肉質結實得來又夠滑。
而鮑魚同蚌都夠曬大隻，熟左都冇縮水。
手切封門柳，都幾靚仔。新鮮手切，有厚度有牛味得來又唔韌，難得難得。
三寶丸
全部手打，有牛丸魚丸同墨魚丸，食得出D料係新鮮的。
脆鯇片 ＋白鱔片，爽脆鮮嫰又有魚味，兩樣都好正，必叫。可惜只限一輪，否則一定勁食勁食勁食。
原條大魚鰾
第一次咁食法，魚鰾原條上，king size 食得十分過癮。烚之前要用竹簽督穿佢先，否則好難先會熟。
潮洲魚蛋，夠大粒幾彈牙，好耐冇食過呢種滋味。
冰豆腐夠索汁，配合胡椒湯底，辣辣地好好食。
其他仲有水魷、黑柏葉同牛骨髓，口感大滿足。
蔬菜種類算齊全，亦夠新鮮。
上菜快火又夠猛，不停烚不停食，未夠兩個鐘已經好飽。捧住個肚走都係二百頭，抵食可回頭。
張貼
