影片
更多
2016-08-25
506 瀏覽
早幾天和公司同事去和富道《太興》吃午飯時，留意到旁邊有間食雞煲魚窩的飯店《金樂軒》，之後翻查餐廳網頁得知，原來店子是由柴灣搬過來的，而且開業已經超過一年。老公向來是雞煲粉絲，雖然唔食得辣，但對著肉質嫩滑的雞件，每次都總是吃不停口，所以趁這晚家中停電，就一家三口來開餐。拉開趟門內進，店子地方不大，而且只是一派街坊小館格局，不過望落去唔算擠迫，而且椅桌擺放得整齊企理，配上一室簡約的佈置，整體感覺亦頗不俗。翻開菜譜，除了有店員力推的一系列雞煲魚鍋外，還有不少香辣及水煮菜式、小炒、涼菜類、閩粵小菜、飲品和火鍋配料等。另外餐廳的牆身亦貼上了多幅食店嘅招牌菜相片，讓人一目了然。既然一心為吃雞煲而來，所以先以一客老重慶奇味雞煲 ($168/小) 打頭陣，原來這裡的雞煲，全部採用新鮮三黃雞，而且由勁辣至不辣都有，客人可按個人喜好自行選擇。由於兒子唔食得辣，為了遷就他，所以落單時，特意請店員通知廚房代為走辣。不一會，見阿姐先開電子爐，再在上面放上以黑鐵鍋盛載的雞煲；待其滾熱後立即打開煲蓋一看，原來半隻雞嘅分量都唔少。搶先挾起一試，雞肉果然好滑溜、鮮度十足，而且食落還有彈性，雖然走咗辣，但配上濃稠汁底，
早幾天和公司同事去和富道《太興》吃午飯時，留意到旁邊有間食雞煲魚窩的飯店《金樂軒》，之後翻查餐廳網頁得知，原來店子是由柴灣搬過來的，而且開業已經超過一年。老公向來是雞煲粉絲，雖然唔食得辣，但對著肉質嫩滑的雞件，每次都總是吃不停口，所以趁這晚家中停電，就一家三口來開餐。
拉開趟門內進，店子地方不大，而且只是一派街坊小館格局，不過望落去唔算擠迫，而且椅桌擺放得整齊企理，配上一室簡約的佈置，整體感覺亦頗不俗。翻開菜譜，除了有店員力推的一系列雞煲魚鍋外，還有不少香辣及水煮菜式、小炒、涼菜類、閩粵小菜、飲品和火鍋配料等。另外餐廳的牆身亦貼上了多幅食店嘅招牌菜相片，讓人一目了然。
既然一心為吃雞煲而來，所以先以一客老重慶奇味雞煲 ($168/小) 打頭陣，原來這裡的雞煲，全部採用新鮮三黃雞，而且由勁辣至不辣都有，客人可按個人喜好自行選擇。由於兒子唔食得辣，為了遷就他，所以落單時，特意請店員通知廚房代為走辣。不一會，見阿姐先開電子爐，再在上面放上以黑鐵鍋盛載的雞煲；待其滾熱後立即打開煲蓋一看，原來半隻雞嘅分量都唔少。
搶先挾起一試，雞肉果然好滑溜、鮮度十足，而且食落還有彈性，雖然走咗辣，但配上濃稠汁底，加埋索滿醬汁的豆卜、惹味嘅洋蔥、冬菇、蔥段和芫茜等，入口啖啖香濃。
接著是蒜香椒鹽豬手 ($128)，熱辣辣的豬手同雞煲絕對有得 Fight，大大碟，同樣都係睇頭十足。原來據店員稱，豬手要先炆至脂肪溶解，再以椒鹽及蒜粒炸至外皮焦脆。一口咬開，外層應聲脆裂，入口膠質豐富，而且肉筋帶鹹香之餘更爽滑彈牙，加上唔會吃到滿嘴肥油，用來佐酒一流。
鮮味香煎墨魚餅 ($128)，煎得金黃香脆的墨魚餅，食落煙韌彈牙、而且每咬一口都能嘗到墨魚的鮮味，用料果然十足，伴上醒胃的甜酸醬與自家製的蝦片，非常合拍，難怪阿姐話這道墨魚餅，是店裡的招牌菜之一。
壓軸點了一道咸肉炒蒜心 ($68)， 蒜心其實是大蒜幼苗發育到一定時期的青苗，不過由於辛辣氣味不濃，所以味道較為親民。至於這客炒蒜心，蒜莖望落去不但粗壯肥大、而且炒得夠鑊氣，色澤依然翠綠，吃起來鮮嫩爽口，以咸肉伴吃，挺美味。
雖然這天沒吃辣，不過都點咗揸清熱下火嘅竹蔗茅根 ($28)，一睇就知用料十足，除咗竹蔗茅根外，裡面還加了紅蘿蔔、粟米、馬蹄和糖冬瓜等，入口味道好清甜，食完雞煲再飲番杯，夠曬清新解喝。
張貼
