文華饕記 (已結業)

星期六晚7點多來到，得幾枱客，唔係太多人，可以坐卡位。叫左兩個晚市小菜share食，$68包湯同飯。落左單好快就黎咗兩大碗湯，熱辣辣，正常茶記味道，又唔會話好重味精。小菜就叫左豉椒炒蜆同椒鹽多春魚。多春魚份量幾多下，好耐冇食過，夠惹味。個蜆既份量亦算足料，平時出街食都預左殼多過肉，但呢間又唔會。同埋D蜆冇沙，豉椒汁又好送飯，唔錯唔錯。美中不足係D飯略為細碗，如果可以叫多飯就好喇!總括黎講就係正常茶記水準，以銅鑼灣一帶黎講，價錢都幾抵食!