21
5
8
港鐵灣仔站 A3 出口, 步行約7分鐘 繼續閱讀
電話號碼
25761798
營業時間
今日營業
07:00 - 23:00
星期一至日
07:00 - 23:00
付款方式
現金 八達通
其他資料
支持防疫 詳細介紹
食評 (41)
等級2 2020-02-19
0 瀏覽
今日晚上去完街,去了灣仔文華饕記食晚飯...從出面睇,同普通既茶記冇咩分別...入到去就梗係睇menu嗌野食...我今次嗌了個沙拉骨食,同凍奶茶。等了10min左右,碟餸就到了。沙拉骨個味道大致同一般茶記差不多,但就較香口一點...反而最普通既白飯就有點失手,較硬同埋冇咩米香...成個餐最欣賞既係杯凍奶茶奶同茶個比例剛好,有茶味之餘有點奶香(好似講緊廢話😂)...總括而言,個餐算正常水準,係個飯有點失色...奶茶正 繼續閱讀
(以上食評乃用戶個人意見 , 並不代表OpenRice之觀點。)
咁啱喺灣仔出沒,就喺附近搵間黃店食個下午茶先😚 文華出咗名深黃,未入去已經見到大量文宣餐廳一入到去就提供酒精比我地消毒,齊心抗疫🙌🏼值得一讚啦!下午茶時段都有八成滿,餐牌都係正常茶記菜式,唔算好有新意😹嗌咗個常餐同一份西多上菜速度好快,幾分鐘就上哂野食常餐雪菜米好足料,用新竹米粉夠咬口,太陽蛋岩岩好,蒜蓉多士就正常啦,整體都唔錯,$48配飲品,喺灣仔都算平啦反而西多就可以讚下,佢好厚身,有夾花生醬,麵包鬆軟塊牛油仲要好厚身,雖然好肥仔,但星期六就當獎勵下自己啦,唔洗10分鐘就已經食哂 繼續閱讀
(以上食評乃用戶個人意見 , 並不代表OpenRice之觀點。)
2019年未必是所有香港人充滿苦澀味的一年,但對於我來說,一定是人生最難忘及激動的一年。相信有不少同路人與我有相同的感受,正正因為這個理由,香港有很多店舖陸續加入黃色經濟圈,店外出現一條又一條無盡的隊伍,一嘗黃店的「味道」。「味道」除了來自食物本身、廚師的技巧、店舖的裝潢,原來還可以來自店主的心態。這種帶有濃濃人情味的感受,是其他店舖不可能提供的。這次光顧的正是黃到發癲的「文華饕記」。由外而內都散發出同路人的味道,門外一塊碎裂的玻璃令人想起過去半年以來的傷痛,門內門外牆上的連豬PEPE高登公仔貼圖,不就是我們一直以來合作的手足嗎?不分尊卑出身,卻為相同的訴求而奮鬥。這種集體回憶是永遠無法忘記的。這次點了茶餐廳最常見的咖哩牛腩飯和凍央,在結合上述多個因素後,這餐飯比我過往任何茶記好味,有幸獨身不用排隊首次品嚐,實在是本人之福。希望手足勿忘還有許多背後默默付出,卻苦苦撐扎的小黃店,黃色經濟圈需要我們每一位微小的力量築建而成才能永垂不朽。謝謝手足,一起加油。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-18
363 瀏覽
平日夜晚,full house, 好彩也不用等位,侍應態度非常親切,友善,有效率。當紅炸子雞($98), 炸子雞半隻, 包一碗飯同飲品,不設加一, 灣仔區來說都非常抵食,皮脆肉嫩,有酒樓質素水準,雖然有少少鹽塗得不算很平均, 但係啖啖肉,啲皮炸到好脆,就算怕肥,所有皮都食曬。四季豆炒牛柳粒($98), 包一碗飯及飲品。四季豆同芥蘭都售罄,改為油麥菜,意想不到的夾,還有雜菇,成碟餸好夠鑊氣,同大排檔一樣feel。 坐對面嘅朋友仔見到都忍唔住叫一樣餸。話說第一碗飯,有啲凍,同伙計講咗,即刻幫我換另一碗,態度仲好好。 見我哋兩個人得一碗飯,因為第二個餸仲未到,主動畀另一碗飯,抵食價錢,親切服務,久違了的香港人情味。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-18
185 瀏覽
呢間餐廳所在嘅位置,之前都做過唔同類型嘅餐廳,但都因為價錢定位問題,又或者食物質素等等嘅原因,都係做得唔耐。但係呢一間餐廳,除了地方大,容易搵位之外,食物質素都維持得好好,價錢又很合理,好適合喺附近工作嘅打工仔午膳。佢每日有唔同嘅午餐選擇,但係每一次我都會俾佢嘅咖喱吸引到,因為真係好香。炒粉麵飯類亦係另一樣值得推介嘅嘢食,好有鑊氣之餘,仲好多餸,完全唔馬虎。呢碟鹹魚雞粒炒飯有好多鹹魚粒,比以前食開嘅茶餐廳濃味好多,雞粒仲好大舊添。 繼續閱讀
(以上食評乃用戶個人意見 , 並不代表OpenRice之觀點。)