醉辣鮮 (新田購物城) (已搬遷) 新店位置

有朋友介紹我去呢間食蒸氣海鮮火鍋位置有啲偏遠，好近落馬洲有諗過安唔安全，但呢邊無開關口而家反而無咩大陸人，入到去新田購物城基本上得返廣東話呢間海鮮蒸鍋最平有198，食龍蝦餐最平就268，放題就338原來放題有得自己去撈海鮮即刻食，不過想食平啲就無食到放題基本海鮮餐有老火燉湯、溫泉蛋、元貝、肉蟹、蟶子、鮑魚、本地生蠔、海中蝦、沙白、花甲、蜆、精選時蔬、海皇粥底同精美甜品268仲有龍蝦半隻同紅棗杞子蟲草花蒸雞當日嘅燉湯係椰子煲雞，湯底好濃郁有鮮甜味，椰子味更突出，好暖胃每人有隻流心狀溫泉蛋，有蛋香味濃，蛋汁順滑紅棗杞子蟲草花蒸雞好入味，蟲草花味好香濃仲有蔬菜同醬料無限量自取龍蝦係波士頓龍蝦，肥美多肉又爆膏新鮮唔韌，入口爽口鮮甜而肉蟹亦肥美爆膏，鮑魚煙韌，海蝦爽口，生蠔新鮮元貝鮮甜，蟶子有咬口，加蒸蓉更香沙白、花甲等蜆肉有部份有沙，要小心食大隻飽滿但重鹹味，細隻鮮甜同較滑嫩擺下面嘅粥底有白米+南瓜粒+芋頭粒等海鮮精華會浸入粥底，令粥底吸收海鮮精華充滿鹹香味，仲有鮮甜香味煮2hrs後粥底好軟綿，蕃薯粒同芋頭粒溶喺粥內些微蕃薯香同芋香，海鮮浸透粥底好重海鮮鹹香味同鮮甜味