牛極 (大河道) (已結業)

今日中午行經荃灣大河道，見有間石燒牛專門店「牛極」，鍾意食牛🐮的我，決定係呢度食份豐富午餐。 呢度以半自助形式，先付款（可選現金／電子支付付款），後取餐，電子屏點餐，價錢有平有貴，以牛扒質素加重量計算，每份餐配有沙律🥗、米飯🍚、湯等🥣。 付款後票交店員，大概10分鐘左右，店員🤵‍♀️就送上牛扒。呢度調味醬汁就有蒜蓉、辛辣🌶燒汁（入口似韓式辣椒醬，辣味重）、秘製燒汁（帶少許甜）。米飯、湯、沙律就去自助區按個人需要自取。 沙律菜鶉鮮🥗，醬汁可自由選擇，有芝麻醬/柚子醋，個人較鍾意柚子醋，因柚子味清香，又可解膩。 湯，湯料豐富，味道濃郁。 主菜牛扒🐮，上面有幾片蒜片，牛扒底面已被燒煮過，但中間部分仍然全生，店員送上枱時，牛扒放係熱石上面，要燒至幾熟，就可按個人喜好。 牛柳200g，邊邊位較熟，肉質嫩滑得嚟又有咬口，牛味越越出，中間部分生熟剛好，肉質較軟腍，加上不同醬汁，入口更美味，送飯一流😋。