Walter Bistro (智選假日酒店) (已結業)

唔係朋友介紹都唔知呢到有咁正既自助餐主菜有龍蝦意粉。龍蝦足半隻,而且size 都好大隻。食落啖啖肉,超滿足。佢個醬汁亦都一樣香濃～另外有一個足料既燉湯。好新鮮，味道香濃。超級正！自助餐方面都有好多唔同野食。最吸引當然係生蠔。生蠔都好新鮮，食落少少海水味，但完全唔會腥～另一樣比較吸引就係燒牛扒同燒雞。牛扒5成熟，一啲都唔鞋。至於燒雞都燒得不錯！其他打食都一樣豐富，但飽飽地都只可以每樣試少少。西餐方面，佢有好多款芝士同parma ham，同埋凍海鮮。熱食都有幾款，好似咖喱同埋牛肋，都整得好好味～ 最後食埋甜品，真係好滿足。甜品款式都好多，要留定肚～～