寶哥火鍋 (已結業)

出旺角想打邊爐但唔想成日幫襯啲火鍋集團，朋友介紹，試下寶哥火鍋。秘製豬骨湯底十款湯底之中，揀咗豬骨湯。有冇再大舊啲，足料到咁！平時多數係幾舊豬骨仔，呢個完全係煲湯用。成個湯好入味。海鮮拼盤七款海鮮，睇都覺新鮮，而且大大件。除咗海鮮，跟住就係揀選八款食材(只可揀一次)。我哋嘅選擇係：黑栢葉 百花釀油條 三寶丸(牛丸、鯪魚丸、墨魚丸）蝦丸 鴨血 日本黑豚肉 安格斯牛小排 花膠仔。黑柏葉好爽口。牛丸好好味，好新鮮。鯪魚丸又唔‘腥’。黑豚肉爽口，肥瘦適中。牛小排都好好味，初時怕佢有筋，會韌，但完全唔會㗎。任點食材：娃娃菜、白菜仔、牛筋丸、魚腐、薑汁豬筋丸、雲吞、水餃、炸枝竹、冰豆腐、 冬瓜片，蕃茄、鮮淮山任點就叫幾多次都得。牛筋丸同薑汁豬筋丸都好好味，薑汁味唔會蓋過原本嘅肉味。兩款蔬菜都好新鮮，而且洗得乾淨，冇沙。鮮淮山又夠爽。飲品呢，我哋加咗每人$38任飲。好多特色飲品㗎。仲要大大杯，正呀！喺旺角，想嚟個海鮮打邊爐，又唔想成日幫襯大集團，呢間都唔錯㗎。