影片
更多
2021-03-08
3913 瀏覽
尋晚同左屋企人去觀塘呢間give me 5食dinner，見到啲二人套餐幾抵食，就叫左個二人套餐啦。二人套餐有一款沙律、兩碗餐湯同餐包、一份main course、一份pasta、兩份甜品同埋兩杯餐飲，都只係$377（未計加一），計加一之後$440，都幾抵食。🥣餐湯係紫薯湯，忌廉味比較重。🥖餐包唔錯，外脆內軟。🥗鮮蝦雜菜沙律都好大碟下，超多沙律菜。有四隻鮮蝦。🐷美國斧頭豬扒配玉米糕伴蘋果蓉黑醋醬斧頭豬扒煮得幾軟淋，口感仲有少少彈牙。食落肉味幾重。蘋果蓉黑醋醬幾好味，好清新。我以為玉米糕入面係一粒粒嘅粟米粒，但原來唔係。玉米糕口感幾有趣，食落都幾重牛油味。伴菜方面仲有薯蓉、紫薯片同埋沙律菜。🦀意大利西西里茄醬意大利粉伴脆炸軟殼蟹軟殼蟹好食，都幾大隻，咬落去仲有肉汁。意大利粉本身以為會係普通嘅茄醬燴意粉，點知原來炒得好香，炒意粉幾好食。呢個有驚喜。🍨甜品甜品係Blueberry Cheesecake配芒果味雪糕，每人都有一份。雪糕嘅芒果味幾香，同埋好大球。Cheesecake都幾好食。呢到環境就真係坐得幾舒服。今次又食到好飽，到底幾時先可以開始減肥？
二人套餐有一款沙律、兩碗餐湯同餐包、一份main course、一份pasta、兩份甜品同埋兩杯餐飲，都只係$377（未計加一），計加一之後$440，都幾抵食。
🥣餐湯
係紫薯湯，忌廉味比較重。
🥖餐包
唔錯，外脆內軟。
🥗鮮蝦雜菜沙律
都好大碟下，超多沙律菜。有四隻鮮蝦。
🐷美國斧頭豬扒配玉米糕伴蘋果蓉黑醋醬
斧頭豬扒煮得幾軟淋，口感仲有少少彈牙。食落肉味幾重。蘋果蓉黑醋醬幾好味，好清新。我以為玉米糕入面係一粒粒嘅粟米粒，但原來唔係。玉米糕口感幾有趣，食落都幾重牛油味。伴菜方面仲有薯蓉、紫薯片同埋沙律菜。
🦀意大利西西里茄醬意大利粉伴脆炸軟殼蟹
軟殼蟹好食，都幾大隻，咬落去仲有肉汁。意大利粉本身以為會係普通嘅茄醬燴意粉，點知原來炒得好香，炒意粉幾好食。呢個有驚喜。
🍨甜品
甜品係Blueberry Cheesecake配芒果味雪糕，每人都有一份。雪糕嘅芒果味幾香，同埋好大球。Cheesecake都幾好食。
呢到環境就真係坐得幾舒服。今次又食到好飽，到底幾時先可以開始減肥？
張貼
