稚

營業中

休息中

每次經過都好多人係人舖外嘅長凳等候，難得今日平日放假等左5分鐘唔洗就入到去坐。入面嘅坐位唔多，大約5-6張枱。我地每人叫左一個定食都已經好夠食！汁煮豬軟骨定食（配茶漬飯）定食本身已經包左煎茶、小食、麵豉湯。除左基本嘅醃物，仲有用芥末醬撈嘅青瓜片。我就另外加$10轉左茶漬飯，茶漬飯入面都有好多材料，紫菜木魚片同芥末乾粒，令個飯好夠味。而主角豬軟骨意外地非常好食，煮得非常軟身同入味，配埋沙律醬個味好夾，個味有d似沙拉骨。而軟骨部分已經煮到半透明好有膠質，完全唔洗咬，好味😋豚肉生薑燒定食（配貓飯）豚肉都炒得幾香，有焦香，略嫌有啲過火，少少韌。而比較之下茶漬飯比貓飯出色，茶漬飯配料較多味道較豐富。