蝦蝦燒 (已結業)

Badboy喺荃灣shopping完就趕去同朋友食呢間任食2.5小時嘅蝦蝦燒，呢個時段每位$348，除咗蝦仲有好多種新鮮海鮮食：鮑魚、蠔、帶子、蜆、魷魚、魚等等。仲有好多種肉、蔬菜、熟食、飲品、甜品可以自助任拎。另外每人仲會送一大串厚厚嘅鱔。每枱隔離就係魚缸，可以邊食邊夾蝦嚟燒。啲蝦好生猛，有啲一夾就彈到好遠，要小心啲水花彈到隔離枱😂雖然燒前會用冰筒凍暈佢哋先，但badboy都係唔太慣親自下手🙊🙊🙊爐係用電發熱線式，上下兩層都可以燒，一次過都燒到唔少嘢😎效率高啲食得多啲😋職員提我哋鮑魚要剪走殼先燒，蠔就放下層燒，蠔放下層燒會燒到面脆脆哋幾好食🤤。其他肉類同蔬菜質素一啲都唔差，三百幾蚊食到咁多海鮮真係好抵食🤭好岩幾個朋友一齊燒一齊食，幾過癮，食得滿足又燒得開心。