至尊滿屋日本料理 (已結業)

聖誕節同另一半慶祝，佢話要放肆一下，一於食放題啦！同事話最近食過至尊滿屋都唔錯，另一半話ok, 我就book位了。好旺場好多人，好彩我地早少少去等位。雖然多人，但上菜速度都算快。蘆薈沙律好好清新，開胃。 壽司試咗黃金海膽花之戀同芝士鰻魚卷，味道唔錯，飯唔多，可以食多幾件。刺身都幾肥美，甜蝦同大赤蝦都好味，當然有食三文魚，都好厚好大片，油甘魚都好肥唔腥。虎蝦天婦羅炸得唔錯，炸芝士竹輪卷內裏有有流心芝士，正👍🏻炸物芝麻雞翼即炸好香口，炸芝心香芋丸同榴榴蓮炸彈外脆內軟又流心。 北海道焗廣島蠔加咗其他配料焗，例如沙律醬同洋蔥粒，唔腥更加惹味。黑椒汁牛舌炒得好腍好入味燒羊鞍好好味，肉質腍有羊味但唔太羶燒菠蘿好甜，正避風塘黃金炒蟹有風味，原隻蟹足料Haagen-Dazs 雪糕每人一杯，新口味北海道紅豆麻糬味，超讃👍🏻雖然多人，但都冇漏單，員工服務態度好好，好快手，抵讚👍🏻下次會再食！