影片
更多
2019-11-09
44 瀏覽
約咗舊同事食飯，大家都話好耐冇打邊爐就嚟咗旺角呢間餐廳，地點好易搵，地方都幾大幾舒服！佢呢度有2 張剔剔紙，一張可以揀8 款，一張係任點任食，都有好多選擇，未食已經開始流口水！打邊爐最緊要揀個靚湯底，呢度嘅湯底除咗多選擇之外，仲有好多好特別好少見嘅選擇，好似雪蓮椰子湯同猴頭菇鯊魚骨湯，淨係聽個名都覺得好吸引，最終我哋就揀左椰子湯！飲品喺出面嘅雪櫃任拎，有我最愛嘅忌廉溝鮮奶同可樂！湯底果然冇令我失望，好足料，試飲左一啖，覺得好清甜，唔係水咁稀！任點任食套餐附送一個海鮮拼盤，嚟到真係覺得不得了，有大大隻鮑魚、蟹、蜆、魚片等等，真係食呢個都覺得值回票價！而且全部都好新鮮，鮑魚彈牙，貝類清甜無沙！特級肥牛真係高質，牛肉唔會好多肥肉，食落有口感有牛肉味！炸響鈴脆卜卜，仲要吸收晒湯底嘅精華，食落好好味！手打三寶丸夠足料，食完唔會成口粉！打邊爐至愛炸魚皮，水準正常！依家豬肉咁貴，梗係要食碟豚肉啦，味道都唔錯！其他配料好似娃娃菜、金菇果d 咁都好新鮮！總結呢度真係好抵食，而且可能因為味道好好所以我哋兩個女仔都食到咁多野，真心會再嚟！
佢呢度有2 張剔剔紙，一張可以揀8 款，一張係任點任食，都有好多選擇，未食已經開始流口水！
打邊爐最緊要揀個靚湯底，呢度嘅湯底除咗多選擇之外，仲有好多好特別好少見嘅選擇，好似雪蓮椰子湯同猴頭菇鯊魚骨湯，淨係聽個名都覺得好吸引，最終我哋就揀左椰子湯！
飲品喺出面嘅雪櫃任拎，有我最愛嘅忌廉溝鮮奶同可樂！
湯底果然冇令我失望，好足料，試飲左一啖，覺得好清甜，唔係水咁稀！
任點任食套餐附送一個海鮮拼盤，嚟到真係覺得不得了，有大大隻鮑魚、蟹、蜆、魚片等等，真係食呢個都覺得值回票價！而且全部都好新鮮，鮑魚彈牙，貝類清甜無沙！
特級肥牛真係高質，牛肉唔會好多肥肉，食落有口感有牛肉味！
炸響鈴脆卜卜，仲要吸收晒湯底嘅精華，食落好好味！
手打三寶丸夠足料，食完唔會成口粉！
打邊爐至愛炸魚皮，水準正常！
依家豬肉咁貴，梗係要食碟豚肉啦，味道都唔錯！
其他配料好似娃娃菜、金菇果d 咁都好新鮮！
總結呢度真係好抵食，而且可能因為味道好好所以我哋兩個女仔都食到咁多野，真心會再嚟！
張貼
