協奏坊西餐廳 (已結業)

從朋友口中得知九龍珀麗酒店協奏坊餐廳的海鮮自助晚餐質素唔錯又抵食，15天前預訂優惠價成人$288，長者及小童＄208，一於約埋一家大細來試下。我地可能太早到，當時Buffet還未開始，食客唔多，職員安排我地先入座等陣。Buffet開始了，第一回合是最受歡迎的海鮮區，驟眼睇有麵包蟹，松葉蟹，小龍蝦，青口等。蟹腳都幾大隻，都幾多肉，不過味道偏咸，其他海鮮都頗新鮮，味道亦唔錯。壽司就中規中舉，食材幾新鮮。熟食區：以東南亞美食為主。廚師用光波爐將焗蠔的水份同醬汁鎖係入面，咬落好juicy。法式蟹肉薯餅好酥脆，有淡淡蟹肉清香，值得一試。最後來到甜品區，有Movenpick雪糕，平時食一杯都唔平，今日就可以食返夠本。雪糕有三款味道：奶凍、士多啤梨、焦糖，旁邊仲有綿花糖，M&M等 Toppings 可以加。驚喜！有自助Pancake機，小朋友最愛。