影片
更多
2021-04-24
117 瀏覽
與朋友去咗佢屋企附近新開嘅星馬菜餐廳食dinner，店員服務幾好，價錢又親民，食物質素亦唔錯：🌟獅城芽菜走地雞飯配輕怡新加坡白胡椒肉骨茶（$78）走地雞雞皮爽口，肉質嫩滑，芽菜又粗身飽滿，配埋香味十足嘅雞油飯，確係好食😋肉骨茶有淡淡藥材及白胡椒香，排骨煮至骨肉分離，非常腍身，豆卜吸收咗湯汁後真係好好味😋呢個套餐一次過可食到兩款招牌菜，真係超讚👍🏻🌟Susan雞翼(三隻)（跟餐+$22）跟餐可以優惠價加配一款小食🤩本身以為只係三隻雞中翼，點知係三隻雞全翼😮雞翼熱辣辣炸起，唧少少青檸汁可減輕油膩感之餘仲可吊味，再蘸酸辣汁一齊食，既香口又惹味😋🌟冰凍椰青（跟餐+$18/ $35）跟餐只要加$18就飲到，確係幾抵👍🏻椰青夠晒凍又清甜解渴，朋友之後再多點左一個！🌟參巴辣蝦醬通菜（$38）通菜本身夠鮮嫩，加入參巴辣蝦醬炒真係零舍香，仲好夠鑊氣，惹味到食唔停口😋🌟鮮油咖央多士（$22）麵包烘得金黃香脆，中間夾住厚厚嘅半溶鮮牛油及咖央醬，好味又邪惡😈上枱後一定要盡快食，免得熱力不斷令牛油溶化！🌟鮮檸檬薏米水（$19）薏米味道突出，應該用料十足，而且飲落唔甜，夠晒天然，感覺健康又開胃👍🏻
🌟獅城芽菜走地雞飯配輕怡新加坡白胡椒肉骨茶（$78）
走地雞雞皮爽口，肉質嫩滑，芽菜又粗身飽滿，配埋香味十足嘅雞油飯，確係好食😋肉骨茶有淡淡藥材及白胡椒香，排骨煮至骨肉分離，非常腍身，豆卜吸收咗湯汁後真係好好味😋呢個套餐一次過可食到兩款招牌菜，真係超讚👍🏻
🌟Susan雞翼(三隻)（跟餐+$22）
跟餐可以優惠價加配一款小食🤩本身以為只係三隻雞中翼，點知係三隻雞全翼😮雞翼熱辣辣炸起，唧少少青檸汁可減輕油膩感之餘仲可吊味，再蘸酸辣汁一齊食，既香口又惹味😋
🌟冰凍椰青（跟餐+$18/ $35）
跟餐只要加$18就飲到，確係幾抵👍🏻椰青夠晒凍又清甜解渴，朋友之後再多點左一個！
🌟參巴辣蝦醬通菜（$38）
通菜本身夠鮮嫩，加入參巴辣蝦醬炒真係零舍香，仲好夠鑊氣，惹味到食唔停口😋
🌟鮮油咖央多士（$22）
麵包烘得金黃香脆，中間夾住厚厚嘅半溶鮮牛油及咖央醬，好味又邪惡😈上枱後一定要盡快食，免得熱力不斷令牛油溶化！
🌟鮮檸檬薏米水（$19）
薏米味道突出，應該用料十足，而且飲落唔甜，夠晒天然，感覺健康又開胃👍🏻
張貼
