Give Me 5 (已結業)

上次食咗Give me Five嘅午市buffet，今次就試吓佢嘅晚市啦😍本身係想試吓佢晚市嘅buffet，但係我見到佢嘅二人套餐實在太過吸引啦，所以忍唔住叫咗個套餐，因為依家嘅二人套餐推行緊六折優惠，只係需要$377就可以食到一個好正嘅西式套餐😘同一般嘅西式套餐一樣，每人有餐包 餐湯 沙律 主菜 甜品同飲品但首先佢沙律已經勁大碗，大隻過我嘅手掌，我淨係食完個沙律餐湯之後就已經飽咗😂要主菜方面，分別就叫咗一個墨魚意大利粉同埋一份牛扒兩個嘅味道都唔錯最特別嘅係佢牛扒配嘅薯蓉係黑色，味道甜甜地都幾好食，配有一個番薯同瓜類味道都幾好而甜品方面好正，一份甜品就已經有cheese cake同埋雪糕，一次過滿足你兩個願望😘而佢依度亦都有得玩飛鏢同篤波，鍾意桌球嘅就記得唔好錯過啦咁當然如果你係一個大胃王，想食多啲可以去嘗試佢嘅buffet，佢選擇都好多，而且一位先378起。