滿屋日本料理 (已結業)

心思思想食放題，放題最適合我呢d每樣都可以食少少嘅女仔，又多選擇，去完sogo買嘢，行行下見到有個姨姨派單張有折扣優惠我地去上左去食。飲品櫃勁多選擇，一定有一款你喜歡嘅，餐廳好細心，仲有唔凍嘅放出黎。一黎一定係叫魚生先，牡丹蝦好大隻，鮮甜無比，帆立貝啖啖肉，油甘魚油脂十分豐富，三文魚厚肉，壽司都好有驚喜，白飯細細件唔會好飽肚。天婦羅粉漿薄，炸得好香脆。牛舌好厚，燒得好香。蒜片牛柳粒充滿肉汁，唔乾。冷盤都唔錯，大蝦好爽口彈牙。好多炸物，岩哂中意香口嘅朋友。