和氣食堂 (黃大仙中心南館)

營業中

休息中

近日因肺炎事件令人不安，同事說去拜黃大仙祈福，我也一同前往，之後就去左附近商場揾地方食晚餐，我和朋友喜愛日本菜，不約而同說去和氣食堂，食過價錢公道又好味。櫻花蝦鯛魚湯泡飯，已燒熱的石鍋內放有蝦、帶子、菠菜和飯，侍應將奶白色的鯛魚湯倒入石鍋內，鍋的熱力令湯在鍋內跳動，攪拌均勻，飯好快吸收了湯的精華，再加入附上的三小碟配料就食得，如果想多一點魚湯，可以請侍應添加，蝦肉彈牙，菠菜林甜，湯飯鮮甜美味。照燒魷魚筒，魷魚新鮮，燒得熟度剛剛好，有口感但不會韌，塗上照燒汁好惹味！大阪豬扒丼，份量超多，飯面有大大塊已切段的豬扒，上面是椰菜絲，豬扒鮮嫩，撈埋D醬汁食，味道甜中帶酸，越食越開胃。牛油果芒果三文魚班戟，班戟內有肥美的三文魚、香甜的芒果、軟滑的牛油果，很好的配搭。十分美味！電擊雞亦.炸薯條：雞亦炸香後加上蜜糖雪凍，味道甜甜的，甚有口感！薯條炸得不油膩，趁熱食特別香脆。特濃牛奶芭菲，來到和氣一定要點雪糕甜品，因為和氣的雪糕，無論抹茶或牛奶，都超香濃幼滑，加埋麻糬煙韌的口感，絕對不能錯過，而且現在做緊推廣：雞翼和雪糕一齊點有優惠。