影片
更多
2018-03-04
1906 瀏覽
呢間亞來嘜嘜喺元朗紮根好多年 一直都未有機會食 今日就帶埋爸爸媽媽一齊嚟食泰國菜平日嘅七點都已經好多人排隊 安排咗張大卡位 超舒服 我諗六個人都夠坐 叫咗個越南炸春捲配生菜 春捲外皮係用咗網卷 超級酥脆鬆化 餡料好惹味香口 加上生菜一齊食 同埋花生甜酸醬 好有越南嘅味道泰式霸王雞份量好大 半隻海南雞 好滑溜有雞味 上面加上特製嘅酸汁 有微微青檸味 好有特色 同時完全唔肥膩 泰式豬手 半隻 豬手滷水得好入味 而且夠曬冧又冇骨 食起嚟好方便 下面仲有芥蘭索曬鹵水汁超正 咸魚炒芥蘭 夠曬惹味香口 而且鹹魚味道唔太鹹 芥蘭爽脆清甜 香芒蟹肉炒飯 蟹肉分量好多 好鮮味 配上清甜嘅芒果 夠曬特別 不過爸爸就食唔慣甜嘅飯 我一個人清曬哈哈 最後係椰汁西米糕 甜度啱啱好 椰汁味濃 加上下面有馬蹄 口感十足埋單500幾 三個人食咁多嘢 而且食到正宗泰國菜 超抵 下次都會再嚟食
平日嘅七點都已經好多人排隊 安排咗張大卡位 超舒服 我諗六個人都夠坐
叫咗個越南炸春捲配生菜 春捲外皮係用咗網卷 超級酥脆鬆化 餡料好惹味香口 加上生菜一齊食 同埋花生甜酸醬 好有越南嘅味道
泰式霸王雞份量好大 半隻海南雞 好滑溜有雞味 上面加上特製嘅酸汁 有微微青檸味 好有特色 同時完全唔肥膩
泰式豬手 半隻 豬手滷水得好入味 而且夠曬冧又冇骨 食起嚟好方便 下面仲有芥蘭索曬鹵水汁超正
咸魚炒芥蘭 夠曬惹味香口 而且鹹魚味道唔太鹹 芥蘭爽脆清甜
香芒蟹肉炒飯 蟹肉分量好多 好鮮味 配上清甜嘅芒果 夠曬特別 不過爸爸就食唔慣甜嘅飯 我一個人清曬哈哈
最後係椰汁西米糕 甜度啱啱好 椰汁味濃 加上下面有馬蹄 口感十足
埋單500幾 三個人食咁多嘢 而且食到正宗泰國菜 超抵 下次都會再嚟食
張貼
