宏 (已搬遷) 新店位置

之前朋友食完宏話好好味於是就專程黎食一次 結果果然冇失望，非常滿意！！叫左燒鱈魚飯套餐～＄140包左一杯紅茶，燒鱈魚飯，海藻烏冬，前菜沙律同蛋卷，認真超級抵！海藻烏冬係朋友強烈推介一定要食，食落口就知果然推介冇錯 面條比較軟身，味道帶有淡淡地嘅海藻味，而且湯底係清湯，唔會遮左面條嘅味道。配埋海藻同香蔥，成碗海藻烏冬非常清新，食完真係非常難忘 燒鱈魚飯個人就覺得比較遜色少少。燒鱈魚冇骨之餘，仲有好味嘅燒醬味！ 外脆內軟2種口感配搭得啱啱好～可惜珍珠米同西蘭花真係好清淡，冇乜味，如果可以配搭番少少醬汁就好啦 最後個套餐仲配埋蛋卷～我叫左黑芝麻蛋卷再加左6蚊加大。味道真係非常驚艷！ cream有好強烈嘅芝麻味，非常香，但都唔會甜到膩而且仲好似食到少少芝麻碎，證明係真材實料用芝麻整 最後同朋友一齊叫左個雜果芭菲覺得最特別嘅地方就係甜（雪糕）酸（果酸同水果）咸（窩夫）3種味道融合！用酸酸地嘅果酸做配搭真係好新鮮食得好滿意！