牛扒食材專門店 (已結業)

今晚諗住整餐豐富的西餐同男朋友燭光晚餐. 咁岩行過見到有新開的店, 入去睇下.....一入去覺得好舒服, 店員很有禮貌的介紹各款牛扒, 又介紹其他食品, 例如:牡丹蝦, 阿拉斯加長腳蟹, 帶子, 鵝肝, 羊仔扒, 翡翠螺, 牛舌, 銀雪魚扒, 薯條薯角....仲有各款配合烹調的醬汁和香料, 真係perfect !! 見到樣樣都好新鮮好靚, 真係想買哂番屋企,因為真係比我平日去超市買的平好多.... 最後揀了最靚的牛扒, 美國angus prime 西冷牛扒($51/100g) 兩塊都只係$300, (平日0係其他超市買要雙倍價錢啊! ) 鵝肝,$258 已經切好八塊, 用真空包好, 每塊仲要係半吋厚的, (你話出面邊到可以買到..). 另外仲買左七支骨紐西蘭羊仔扒$128, 同埋我地最喜愛的日本A4 和牛230g(急凍的)都只係$330, 平時我地0係出面食起碼要雙倍價錢啊!!)所以快d買d來試下....今晚即刻試了鵝肝和安格斯頂級西冷牛扒. 鵝肝好香又易煎, 牛扒有肉味, 又嫰, 一點都不會韌. 食完後, 男朋友讚不絕口, 仲話明晚要試羊仔扒同和牛呢^ ^