Give Me 5 (已結業)

之前朋友推介過哩間餐廳既半自助午餐，今日見得閒就同姐姐黎試下。餐廳環境闊落，面積都幾大，而且有唔少卡位，全部都係沙發櫈，所以坐得好舒服。哩到既Lunch Set有得任食沙律吧、餐湯、甜品、新鮮水果、雪糕，仲有得任飲紅白餐酒，價錢都幾實惠。🥣餐湯：青紅蘿蔔豬骨湯🥗沙律吧沙律吧上面有好多唔同既蔬菜可以選擇，沙律菜、薯仔沙律、木耳、粟米、蕃茄都有，特別推介沙律通粉，伴有洋蔥同三色椒，食落口感豐富。🐔香草蜜糖檸檬烤春雞 $118雞肉有淡淡香草味同檸檬香，入口有蜜糖既甜，又帶有檸檬既微酸，另配薯條、沙律菜同埋蕃茄。🐂澳洲肉眼扒（八安士）配燒蒜汁 $158肉眼扒揀左五成熟，肉質軟腍，咬落去有肉汁，熟度控制得啱啱好，燒蒜汁蒜香味濃，另配薯條、沙律菜同埋蕃茄。🍮甜品佢既甜品種類都唔少，有朱古力慕絲蛋糕、藍莓芝士蛋糕、檸檬芝士蛋糕、各類糕點仲有豆腐花同埋雪糕🍦佢既芝士蛋糕整得唔錯。整體黎講，哩間餐廳環境舒適，半自助午餐價錢實惠，食物質素亦唔錯，的確係午餐既好選擇。🌟溫馨提示🌟OpenRice訂位會有各項午餐、晚餐優惠。