影片
更多
2022-05-08
119 瀏覽
一鍋堂呢間火鍋店有好多間分店，今日我就同朋友去左葵芳新都會廣場個間分店食lunch😋Menu有好多唔同款嘅set, 我地揀左set B 100分鐘放題，因為佢肉類嘅款式比較多，而且都係$200左右一個人👍🏻1️⃣首先係湯底🤩呢間餐廳提供了多款湯底選擇，一共有16個。當中有一些大眾啲嘅選擇，例如豬骨湯、芫荽、蕃茄嗰啲，亦都有比較特別少見嘅，例如係冬陰公、泡菜、藥膳湯底等等，總有一款啱你口味。我哋今次就揀咗泡菜湯底，個湯底攞上嚟嘅時候就有大量嘅豆腐、蔥同埋泡菜喺個鍋裏邊。湯底嘅味道好濃郁，食物放完落去之後都唔需要再額外加豉油調味，辣度亦都相當足夠，夠晒開胃。由於泡菜湯嘅辣係用辣粉調出嚟，同麻辣湯底比會相對冇咁肥，因為唔係用辣油，所以想食辣、食啲開胃嘢嘅朋友又唔想太肥嘅話呢個絕對係最佳選擇。2️⃣肉類😋😋😋我哋今次選擇左B餐，包括左四款牛肉、一款羊肉、同埋豬肉。餐廳有QR code俾我哋order野食，好方便～👍🏻所有肉拎到過嚟嘅時候都呈現新鮮嘅鮮紅色，絕對唔會睇上去灰灰黑黑擺到過晒期咁。佢一共有四款牛肉，每一款都好重牛肉味，而且唔會有一款係韌嘅，個人特別推薦牛板腱，佢雪花均勻。另外一份特別推薦嘅係
Menu有好多唔同款嘅set, 我地揀左set B 100分鐘放題，因為佢肉類嘅款式比較多，而且都係$200左右一個人👍🏻
1️⃣首先係湯底🤩
呢間餐廳提供了多款湯底選擇，一共有16個。當中有一些大眾啲嘅選擇，例如豬骨湯、芫荽、蕃茄嗰啲，亦都有比較特別少見嘅，例如係冬陰公、泡菜、藥膳湯底等等，總有一款啱你口味。我哋今次就揀咗泡菜湯底，個湯底攞上嚟嘅時候就有大量嘅豆腐、蔥同埋泡菜喺個鍋裏邊。湯底嘅味道好濃郁，食物放完落去之後都唔需要再額外加豉油調味，辣度亦都相當足夠，夠晒開胃。由於泡菜湯嘅辣係用辣粉調出嚟，同麻辣湯底比會相對冇咁肥，因為唔係用辣油，所以想食辣、食啲開胃嘢嘅朋友又唔想太肥嘅話呢個絕對係最佳選擇。
2️⃣肉類😋😋😋
我哋今次選擇左B餐，包括左四款牛肉、一款羊肉、同埋豬肉。餐廳有QR code俾我哋order野食，好方便～👍🏻所有肉拎到過嚟嘅時候都呈現新鮮嘅鮮紅色，絕對唔會睇上去灰灰黑黑擺到過晒期咁。佢一共有四款牛肉，每一款都好重牛肉味，而且唔會有一款係韌嘅，個人特別推薦牛板腱，佢雪花均勻。另外一份特別推薦嘅係牛舌，牛味濃郁彈牙，一般火鍋餐廳都好少提供牛舌，配搭上泡菜湯底真係令人食到停唔到口。羊肉方面，肉質嬌嫩唔會韌，羊騷味亦都唔會太重，平時唔敢食羊嘅朋友都可以試吓。
3️⃣特色配料🤤
呢間餐廳配有大量嘅特色配料供客人選擇，其中我覺得最出色嘅係手打蝦滑同埋墨魚滑。落完鍋之後，食落幾彈牙，又好重蝦味，絕對唔係淨係食緊粉。黑松露墨魚滑攞上嚟嘅時候真係有唔少嘅黑松露喺上面，不過記得落鑊之前撈勻佢，否則一落鑊就飄走晒，食落都好彈牙，同埋有淡淡嘅黑松露味。菜類就唔可以用電話落單，要出去自己攞，但係都提供左大量款式供客人選擇。
4️⃣其他
飲品方面都有大量嘅選擇，一般嘅汽水&茶等等都有。另外有一啲飲品係佢哋自己獨創嘅，例如係冰糖燉檸檬，碟豆花茶，洛神花茶。我自己最鍾意嘅就係冰糖燉檸檬，比起普通檸檬茶，佢有一種檸檬皮嘅獨特甘味，出面好少會飲到。
甜品方面就有雲呢拿雪糕，有部雪糕機可以比你自己唧，中意食幾多都得😋雪糕口感順滑，好滿足！❤️👍🏻
餐廳嘅食物質素同埋服務態度都唔錯，值得大家一試🤩👍🏻
張貼
