大滿喜日本料理 (已結業)

中午時份想食得平D又可以坐耐D, 係旺角真係唔多選擇。咁啱比我見到呢間大滿喜就入去試下。平時多數食自助餐，今次試下散叫睇下質素如何。叫左個$68 午餐, 有壽司加牛肉烏冬，本身都冇咩期望，餐廳人手唔多, 想落單都等左好耐 , 而家呢個時勢，作為食客真心要體諒下。原來而家午餐仲包任食自助吧, 有多款酒任飲, 仲有清酒，啱哂D 酒鬼(如果下午唔駛番工真係好, 可以大飲特飲)。另外有多款小食例如: 咖哩魚蛋，牛腩羅白，炸物，前菜(沙律吧)，甜品，飲品又係任飲(coffee, green tea), 紙包飲品等等，多不勝數。以$68價錢食到咁多野, 除左一個"抵"字..我真係形容唔到..