阿木台灣麵 (廣華街) (已結業)

小店位於旺角其中一條食街中，最初留意到這間小店主要因為每次經過都總有一大堆人在門外等位！當今次有機會黎拜訪後才發現多人等候是有原因的，因為絕對是超值抵食之選！下次茶只需$36！當中已經包括飯/ 麵+ 小食+ 飲品首先飯/麵，選擇有常見的台式肉燥飯，仲有撈麵同湯米。之後可以選3款小食，並沒有睇錯！的的確確可以選3款小食！最後加上飲品，台灣菜常備的冬瓜茶/台式奶茶都有。簡單完滿又抵食的一個下午茶輕鬆達到！肉燥飯：肉燥滷得入味，香香甜甜，半肥瘦的肉一點都不膩，撈飯一流。麻醬乾拌麵：麻醬調得好香， 花生味香濃，麵質亦好爽彈又煙靭，好有風味。小食每款都是細細份，務求讓你全都可以淺嚐。非常適合我地呢種貪心樣樣都想試，但又眼闊肚窄的港女。甜不辣外脆內煙靭台灣腸比一般嘅少脂肪，肉味更濃鹽酥雞炸得酥脆，但味道比較淡全店裝修都如店名一樣，以木作為主要材科，就連裝飾品都是。整體感覺簡潔明亮。真正台灣的味道！店主除了是台灣人外，更傳承左過半世紀的家族手藝。喺短期遊台無望嘅情況下，都係個一解思鄉之情嘅選擇！最近仲擴充營業開分店，有興趣可以去試！