順記潮州飯店 (已結業)

今晚同屋企人食潮州菜，嚟到九龍城呢間門面幾舊嘅順記潮州飯店，裝修好街坊，不過我哋入到去已經差唔多全場爆滿，好在仲有張五人枱比我哋，是晚就試過： 功夫茶：淡淡茶香，食飯前飲最夾！ 餐前小食：花生香脆；生鹹菜夠甜夠爽即刻清碟！ 胡椒豬肚湯：豬肚煲得好稔好入味，湯呈奶白色，帶有濃濃嘅胡椒味，都幾辣，不過飲完成身暖晒！ 蒸糯米釀大腸：唔想食炸嘅所以叫咗蒸嘅，大腸入面釀滿晒糯米，幾好味，不過個醬唔多夾，有啲搶味！ 炸蟹棗拼粿肉：原本叫蝦棗拼蟹棗，不過蝦棗賣晒佢就介紹我哋食炸粿肉，係用豬網油包住材料再炸嘅潮州炸物。兩樣嘢都好香口，蟹棗味道幾鮮，而粿肉就有啲驚喜，好好味喎！ 潮州炒魚麪：夠鑊氣，同埋一齊炒嘅有肉絲，冬菇絲同埋甘荀絲！魚麪夠彈牙好好味，可以大碟啲就好嘞！ 香煎蘿白烙：蘿蔔切成絲加蛋漿再煎，仍食到味道清甜嘅蘿蔔，煎得薄而金黃香脆帶微焦，外脆內軟，勝在唔油膩！ 紅燒豬腳根：豬腳根發得好好，又炆得好稔，食落好彈好爽好入味，汁醬味道濃而合拍，真係好得！一路食，啲侍應都會好細心解釋各種菜式嘅材料同製法又介紹埋同上嘅醬料；菜式唔貴但係就做得好有心機。雖然樓面唔夠人做到踢晒腳，但遇上有人客要求影團體