影片
更多
2020-04-12
806 瀏覽
見fb 有個二人同行一人免費既優惠，一至四先$208 加一， 我地㨂左星期日就$238, 包埋出邊buffet 區，任食兩個鐘。如果想要埋刺身，牛小排，海鮮拼盤就$298, 我地平平地今晚試個$238 既先😜✨入黎先量體溫同消毒雙手，兩個人坐卡位好闊落，同埋佢圍埋板，出去拎野食規定要帶口罩，感覺都安心d. 我地6:30 入坐，食到中段估唔到都幾多人，成個場都full 咁濟，睇黎個個都係見到呢個優惠黎。✨之前優惠話一人送一杯酒，不過我見佢無主動比，我地又唔諗住飲就友佢。主要想飲somersby蘋果酒，見到起出面水bar 入邊，又唔見有人負責斟ge, 問左出邊職員話可以自己斟xD 但好似無咩人知咁🤷🏼♀️ ,剩係飲呢個都抵！✨湯底都幾多選擇，無限追加款唔算多，不過肉類都ok. D 牛雖然偏瘦，但都有牛味， 豚肉片唔錯，雞件都好滑。送餐速度係勁快，係一開始漏左我個湯底，加埋煲滾佢無左廿分鐘，同埋order 野食要搵店員落單。✨最好食係蝦，好嫩同好鮮甜，encore 左好多round👍蜆都唔錯有甜味無沙，脆肉鯇魚腩啖啖肉同超爽口。薑汁貢丸勁爆汁同埋好多薑蓉，呢個我mama 地。✨另外出邊仲有丸
✨入黎先量體溫同消毒雙手，兩個人坐卡位好闊落，同埋佢圍埋板，出去拎野食規定要帶口罩，感覺都安心d. 我地6:30 入坐，食到中段估唔到都幾多人，成個場都full 咁濟，睇黎個個都係見到呢個優惠黎。
✨之前優惠話一人送一杯酒，不過我見佢無主動比，我地又唔諗住飲就友佢。主要想飲somersby蘋果酒，見到起出面水bar 入邊，又唔見有人負責斟ge, 問左出邊職員話可以自己斟xD 但好似無咩人知咁🤷🏼♀️ ,剩係飲呢個都抵！
✨湯底都幾多選擇，無限追加款唔算多，不過肉類都ok. D 牛雖然偏瘦，但都有牛味， 豚肉片唔錯，雞件都好滑。送餐速度係勁快，係一開始漏左我個湯底，加埋煲滾佢無左廿分鐘，同埋order 野食要搵店員落單。
✨最好食係蝦，好嫩同好鮮甜，encore 左好多round👍蜆都唔錯有甜味無沙，脆肉鯇魚腩啖啖肉同超爽口。薑汁貢丸勁爆汁同埋好多薑蓉，呢個我mama 地。
✨另外出邊仲有丸同蔬菜，魚皮，響鈴，烏冬，韓國公仔面。蔬菜幾新鮮，最好食係粟米，超甜，出面連萵荀，蟲草花都有。
✨buffet 區其實都幾多野食，熟食，海鮮，點心炸物，沙律，甜品，飲品，樣樣有d ~~熟食，壽司都有refill 下其他款。
✨冷盤青口尚可以，長腳蟹用手啪開已經feel 到個殼係軟既， d 肉勁乾同埋無味唔新鮮，咬一啖唔使食落去。
✨肉類都幾多款，質素都ok, 雞翼豬手同條魚都好味，點心就剩係食左小籠包，味道唔錯個皮唔算厚。沙蜆惹味，可借有沙。如果帶媽媽黎食，剩係熟食佢應該有排食xD 不過睇片果d 炒蟹，東風螺，芝士青口就唔見有。
✨臨尾仲推左d 新款，大阪燒好食ar, 牛扒同鴨胸都唔錯。
✨甜品剩係食左個雪燕同軟雪糕。雲呢拿味軟雪糕，幾香滑又唔係好甜喎。雪燕飲落有薑味，又係唔係好甜，幾好飲。
✨呢度野食整體都ok, 雖然唔算係勁好食，但2人埋單total $286. 真係唔知係邊度搵，勁抵玩。😛本身無特別抱住期望黎，但我又覺得比想像中好，有優惠可以試下。
🤷🏼♀️另外想講呢個優惠其實都幾迷茫，開頭whatsapp 訂座 都係問一句先答你一句。 總之假日就$238 加一 , 另一位再收加一，total$286. 如果要食刺身，刺身盤果d 就$268 喇。 真係要問清楚，如果唔係就比條片fake 左。
張貼
