寬巷子 (已結業)

條街人流好少，咁啱行過見呢家有做set dinner 所以坐低入去食，入面有無敵海景窗口位，但只限火鍋，不過坐入面都坐得舒服，之前預位火鍋，所以檯好大張，所以同人距離都好充足牛魔王濃湯麵材料好多款，有牛坑腩、崩沙腩、牛筋、牛肚、牛腱，而且每樣嘅份量好充足，料仲多過麵😂，而且每樣都煮得好好味，腩又夠腍，坑腩入口充滿肉香，崩沙腩口感鬆軟可口，牛筋彈牙又有韌勁，牛肚爽口而入味，牛腱口感爽滑，麵條有咬口，而且掛汁，湯底好濃郁，食到最後成碗湯都飲晒台灣滷肉飯應該話係便當先啱，成份餐 滷肉飯外，仲有蒸蛋同多款新鮮時蔬，上檯好精緻，擺放碟好靚，顏色豐富，餵飽口福前，已經大飽眼褔滷肉肉汁好香，好適合伴飯，肉汁滲入每一粒飯粒，每啖飯都散發肉香伴菜都好出色，蒸蛋香滑有蛋香，時蔬新鮮可口，泡菜辣度適中，無論單吃或伴飯都一流鮮人參紅棗燉烏雞湯碗湯入面真係有枝人參，雞味好濃而唔油膩，好似將精華淆晒出嚟咁姫松茸蟲草燉花膠湯湯料好足，而且好好食，希望飲完湯食埋料，真係有美顏作用💁🏻玫瑰水果茶果味好豐富，而且陣陣花香山楂紅果茶酸酸甜甜好醒神開胃