仙后餐廳 (已結業)

其實一直都知道呢間餐廳係張敬軒開，主打環境靚，但一直都未有動力去試，擺左係waiting list好耐，就係等緊一個機會，今次第一年慶祝周年，決定食餐好慶祝下，而家乜都係用手機，佢有個網上訂檯的確係方便我呢D懶人，好可借太遲先動手，晚餐時段已經full哂，唯有轉食lunch 啦!有個細心位要讚下，檯上有玫瑰花，復古既餐牌上面會寫埋日子，最岩比D慶祝紀念日或者生日既朋友去影張留念。落單後侍應為我地送上餐包，麵包質素係唔錯既，當然你入呢間餐廳之前應該都會有較高期望，始終一個lunch既價，我地認為已經先中高價。叫左個凍肉拼盤同牛肉他他都係很不錯的，特別係牛肉他他，好耐冇食過好味但又唔會太鬆散既他他。另外叫左個魚，但份量太少，幾啖就無，所以印象都唔係咁深刻。食完就去洗手間補補唇膏喇，入到去大為驚喜!影左幾張相之後我叫男友都去男廁觀光下!睇完佢D相，我可以非常肯定全間餐廳最靚個位就係女廁!但兩個人去慶祝點都要搵個靚靚地既位去影張合照吧，佢有個梳妝台又係非常典雅，最後請左個女店員幫我地影張合照畫上完美。