囍源古早蛋糕 (已結業)

而家古早蛋糕越嚟越受歡迎，以前淨係台灣先有得食，依家香港都有啦！呢間係位於深水埗非常人氣嘅古早蛋糕店💕 據我所知佢哋嘅做法同一般古早蛋糕店唔同，佢哋用嘅係水浴法去做，所以焗出嚟嘅蛋糕唔會燶邊，唔會燶底，而且入口即溶，係真正正宗嘅古早做法😋 而且佢哋標榜用低糖小油，即使有過百種口味，都依然可以食得健康👍🏼難得嚟到梗係買返兩隻味同屋企人開心share啦:流心拉絲芝士🧀呢款除咗面頭有芝士碎之外，內層亦都有一大pat芝士醬做夾心🥰 蛋糕本身嘅芝士味唔算太濃，所以食落唔會覺得好漏，可以係咁食🤣 佢嘅質感有少少似日本嘅疏乎厘cheesecake，淡淡的芝士香入口即溶，食極都唔會厭😘骯髒爆趣面朱古力呢個一打開真係哇一聲😈 好多朱古力餅碎呀!!!! 本身個蛋糕已經係朱古力味，面頭重鋪咗勁多朱古力餅碎同埋脆脆嘅迷你甜甜圈，而蛋糕中層都仲有勁濃嘅朱古力醬😈 真係極之邪惡!!! 鍾意食朱古力㗎你一定一定要試呢個味，真係朱古力爆燈🍫🍫🍫