Casa Di Thali

營業中

休息中

趁得閒返去母校附近舊地重遊，發現附近有好多食肆都唔同咗，咁啱見到有間新開嘅餐廳，糅合印度同意大利風情，好似幾特別~不過去到嘅時候已經過咗六點，就叫個外賣返屋企試吓。外賣包裝簡潔企理，亦清楚標示食物款式，估唔到呢間餐廳都有手工蛋濶麵提供，而且質素唔錯！手工麵食起上嚟特別有煙韌感，呢款面配上較濃稠嘅醬汁就剛好。另外點了一份蕃茄醬肉丸，三粒大大粒，食落Juicy又鬆軟感，切開肉丸再沾滿充斥香草味嘅蕃茄醬汁，食得滿足！叫餐嘅好處係跟埋一份甜品，要咗Tiramisu，用外賣碗裝住大大份，唔會食到到喉唔到肺！Tiramisu 食落層次分明，似乎又搵到間一間質素唔錯嘅特色小店！