更多
2019-04-11
3183 瀏覽
協奏坊呢個名已經聽左幾年，朋友同事都讚好，留下性價比高既深刻印象。 一家人外食一般唔會揀太高價既餐廳，志在坐得舒舒服服享下天倫之樂，今晚想請屋企人食返餐就諗起呢個名，專程黎見識下。入座後二話不說即時衝去冷盤區，有蟹腳、麵包蟹、青口、蜆同蝦，明顯比一般中價buffet多選擇。 個人認為自助餐優劣既基本分水嶺在於有冇靚蟹腳食，幾欣賞蟹腳厚肉鮮甜又夠水潤嫩滑，蟹鉗尤其啖啖肉有鮮味，瘋狂encore已經回左一半本。 自問冇食過驚為天人既麵包蟹，只可以話蟹膏係幼滑香甜既，肉質就一般，主攻蟹肉既就all in蟹腳比較好，勝在都幾新鮮乾淨。 青口同蜆同都不過不失，夠新鮮夠凍。 重點係員工會毫不手軟地隔一陣就refill，完全唔洗擔心食唔到心頭好。刺身有三文魚、帶子、希靈魚同吞拿魚四款，三文魚十分之肥美厚實，值得一讚阿姐唔會切到碎濕濕咁，大大啖一野啪入口完全感覺到甘香既魚油流淌。 帶子雖然未去到巨型北海道刺身級既水平，中上尺寸腍滑彈牙有甜味，收貨有餘啦。 弱弱一句，其實我人生從未食過希靈魚，係屋企人慫恿下就獻出我第一次。 魚卵同想像中一樣卜卜脆，唔慣食白肉魚都唔會覺得腥，幾有驚喜。屋企人鐘意食菜，大讚
入座後二話不說即時衝去冷盤區，有蟹腳、麵包蟹、青口、蜆同蝦，明顯比一般中價buffet多選擇。 個人認為自助餐優劣既基本分水嶺在於有冇靚蟹腳食，幾欣賞蟹腳厚肉鮮甜又夠水潤嫩滑，蟹鉗尤其啖啖肉有鮮味，瘋狂encore已經回左一半本。 自問冇食過驚為天人既麵包蟹，只可以話蟹膏係幼滑香甜既，肉質就一般，主攻蟹肉既就all in蟹腳比較好，勝在都幾新鮮乾淨。 青口同蜆同都不過不失，夠新鮮夠凍。 重點係員工會毫不手軟地隔一陣就refill，完全唔洗擔心食唔到心頭好。
刺身有三文魚、帶子、希靈魚同吞拿魚四款，三文魚十分之肥美厚實，值得一讚阿姐唔會切到碎濕濕咁，大大啖一野啪入口完全感覺到甘香既魚油流淌。 帶子雖然未去到巨型北海道刺身級既水平，中上尺寸腍滑彈牙有甜味，收貨有餘啦。 弱弱一句，其實我人生從未食過希靈魚，係屋企人慫恿下就獻出我第一次。 魚卵同想像中一樣卜卜脆，唔慣食白肉魚都唔會覺得腥，幾有驚喜。
屋企人鐘意食菜，大讚沙律區夠多選擇，唔係單純放d沙律菜同醬汁出黎就算，仲有比較少見既羽衣甘藍、無花果同蕎麥麵添，全部新鮮爽甜。 冷盤海鮮後方仲有一盤龍蝦雜果沙律，賣相唔錯。
熟食方面，最鐘意喜馬拉雅山鹽板燒既區域，可以揀安格斯肉眼同煙牛脷，由廚師係鹽板上燒至微微焦香。 厚身既煙牛脷上碟時仲係嫩紅，忍唔住問廚師熟架喇？ 原來牛脷本身已經熟左，只係放上鹽板輕輕加熱表面，如果燒太耐既話反而會過咸。 個人幾鐘意燒安格斯肉眼，均勻沾上咸味幾香口，牛脷就唔似平時食開個種爽口質感，偏腍所以試一次就夠。
自問係食腸狂人，all day breakfast最期待既就係個條腸同薯餅，所以一見到有法蘭克福腸同牛仔肉腸即時拎左，最後發現冇咩特別亦唔太熱，可以不吃。 反而師傅誠意推介我試埋燒豬鞍，心諗平時buffet燒牛扒都麻麻地，downgrade左做豬肉值得浪費quota咩，但師傅話可以切少少就試下。 世估唔到豬鞍十分軟腍入味，食到一定油份既甘香但唔會油膩，忍唔住encore左。
香煎鴨肝雖然唔及鵝肝咁名貴，但煎得外脆內軟好出色，前後拎左幾次都係熱辣辣，好滿意。
當晚熱盤包括照燒鯖魚、日式清酒煮蜆、櫻花蝦炒野菜、香煎法式煙鴨胸、牛肝菌忌廉汁長通粉、日式鰻魚炒飯同懷舊缽仔糕。 講真賣相唔差似新鮮整起，試左清酒煮蜆，蜆肉好飽滿仲有粉絲墊底，味道幾清新。
記得熱盤左邊有兩款湯，包括幾足料既蘑菇湯，同時發現鹽板燒附近有三大個Le Creuset煲長期蓋住，八掛望下原來係好野黎。
三文魚頭麵豉鍋、法式紅酒燴牛尾同海鮮龍皇煲係想像唔到咁足料，是但一款係餐廳絕對要賣幾百蚊，令我有點驚歎。 燴牛尾炆得軟腍入味，每一舊牛尾都厚肉有牛味，牛尾湯更加係濃到不得了，諗起都流口水。 其實聞到龍皇煲都係超級香，係類似龍蝦湯既香氣，食量有限，下次一定要試。
除左魚生之外，其實日式檔口仲有幾款壽司，但最令我感興趣既係幾兜中華沙律、螺肉同芝麻八爪魚，完全滿足到食放題都要任性地食平野既我。 食到咁上下無無聊聊又夾下雞骨腸同燒雞翼黎填滿黑洞胃，估唔到係咁高質！ 雞骨腸已經預期攤凍左都要照食，點知熱辣辣外脆內爆汁；燒雞翼又係岩岩燒起，辣辣地又香口惹味，狂掃左幾次。 不得不讚每一款熱食真係保持到任何時候都係熱辣辣既最佳狀態，食到尾都不斷refill，冇得彈。
自問唔係甜品胃，好多時食buffet都係食下生果同雪糕就滿足，點知呢度既甜品竟然令我有想試既衝動。
沖繩海鹽焦糖蛋糕既顏值完全比街買既天使蛋糕更勝一籌，食落當然只係咸咸地既軟滑海棉蛋糕，但重點係面頭既海鹽焦糖脆脆鬆化香脆到極點，好想買返個黎慶祝生日。 偷食左啖屋企人拎既蜂蜜柚子芝士蛋糕亦好高質，內餡似杉養蜂園既柚子蜜糖。
Movenpick雲尼拿味雪糕從來都係我最愛，原來杯裝同家庭裝既用料係有分別，朱古力味令我好有驚喜，濃郁既朱古力雪糕內藏大量大過五蚊銀既朱古力片，狂隊左幾球之後，畫上完滿句號。
好多時自助餐貴就貴在凍海鮮既款式多寡，熟食分分鐘揀唔落手，好欣賞晚市呢個價位有無限供應既靚蟹腳，亦唔係求其交貨湊夠十幾款菜式擺出黎好好睇睇就算。 食得出廚師用心準備每一款食物，大至主菜，小至食客期望值較低既小食都盡善盡美，絕對係大人小朋友食過都會滿意既水平，必定要再訪仔細品嘗。
張貼
