影片
更多
2019-07-13
156 瀏覽
今晚約左朋友飯聚，揀選左雖然遠少少的戲曲中心的一間中菜餐廳，但人流較少，而且氣氛寧靜，有文化氣息的感覺。餐廳內裝潢都帶中國風，優雅寧靜，而且地方寛闊夠大，部份位置還有牆身間隔，私人度亦提高。服務也很貼心有禮，連洗手間亦乾淨光潔。杏汁燉白肺湯奶白色的湯汁散發淡淡杏仁香，味道唔會好重，反而飲完舒服暖胃，湯水有濃郁豬味，而豬肺份量夠，也處理得夠乾淨，口感嫩滑，個人很喜歡這個湯，而且唔係間間中菜都有，所以值得來品嚐。手拍青瓜好冰涼爽脆，手拍令青瓜爆開的裂紋更吸收醋汁，清爽開胃，仲有紅石榴清新果肉粒粒，旁邊的紅色醃製黃豆幾特別。蜜汁叉燒（例）上色平均燒得靚，油脂閃亮好吸引，半肥瘦叉燒，入口油脂溶化夠油香，肉質鬆化夠嫩，蜜汁香甜不膩，做得出色好好味。椒鹽九肚魚（例）炸衣夠薄，金黃色好香脆，魚肉濕潤不會乾，椒鹽惹味令魚肉不腥，味道好好。三菇燴六耳材料好豐富的素菜，有齊冬菇、蘑菇、草菇，仲有木耳、黃耳、雪耳、百合……燴煮成，口感豐富，菇類吸哂味，其他配料也爽脆，健康輕盈的菜式，調味亦剛好。滿樂蔥蒜牛肉崧煨飯好香好蔥香蒜香，牛肉超嫩滑，雖然切成肉粒但味道濃郁，令煨飯更添美味，由於是煨飯，較濕潤所以唔會乾
今晚約左朋友飯聚，揀選左雖然遠少少的戲曲中心的一間中菜餐廳，但人流較少，而且氣氛寧靜，有文化氣息的感覺。
餐廳內裝潢都帶中國風，優雅寧靜，而且地方寛闊夠大，部份位置還有牆身間隔，私人度亦提高。服務也很貼心有禮，連洗手間亦乾淨光潔。
杏汁燉白肺湯
奶白色的湯汁散發淡淡杏仁香，味道唔會好重，反而飲完舒服暖胃，湯水有濃郁豬味，而豬肺份量夠，也處理得夠乾淨，口感嫩滑，個人很喜歡這個湯，而且唔係間間中菜都有，所以值得來品嚐。
手拍青瓜
好冰涼爽脆，手拍令青瓜爆開的裂紋更吸收醋汁，清爽開胃，仲有紅石榴清新果肉粒粒，旁邊的紅色醃製黃豆幾特別。
蜜汁叉燒（例）
上色平均燒得靚，油脂閃亮好吸引，半肥瘦叉燒，入口油脂溶化夠油香，肉質鬆化夠嫩，蜜汁香甜不膩，做得出色好好味。
椒鹽九肚魚（例）
炸衣夠薄，金黃色好香脆，魚肉濕潤不會乾，椒鹽惹味令魚肉不腥，味道好好。
三菇燴六耳
材料好豐富的素菜，有齊冬菇、蘑菇、草菇，仲有木耳、黃耳、雪耳、百合……燴煮成，口感豐富，菇類吸哂味，其他配料也爽脆，健康輕盈的菜式，調味亦剛好。
滿樂蔥蒜牛肉崧煨飯
好香好蔥香蒜香，牛肉超嫩滑，雖然切成肉粒但味道濃郁，令煨飯更添美味，由於是煨飯，較濕潤所以唔會乾，食落口感好好，所以忍唔住食左一大碗。
張貼
