影片
更多
2015-10-27
2668 瀏覽
昔日香港，路邊地踎大排檔隨處可見，照顧一眾市民吃喝嘅需要。時至今日，仲可以keep到當刻風貌嘅，幾近絕跡。有幸有少部分排檔，經歷到時代嘅變遷，仍屹立不倒，更成為本土老字號。今日小妹帶同朋友，一於就去試試昔日嘅風味。格局方面，幾十年前咁嘅樣，而家都係咁嘅樣。無需整色整水，幾把大風扇對住，雖則係露天，但仍唔會感覺到十分酷熱。黃色衫嘅就係老闆娘。至於其他落廚嘅，都係富有經驗嘅人馬，對住連綿不斷嘅 Order 駕輕就熟。一間食肆，可以經歷無數寒暑，始終都係要有實力，要靠留得住人心嘅食物坐陣，而呢度嘅蕃茄湯通粉，已經出名到揚威海外。全因其蕃茄湯重本落大量新鮮蕃茄熬製，茄肉同茄皮都放哂入去煲，絕對唔會慳皮，造就咗蕃茄湯一哥嘅地位。嚟得呢度食，就係要試清楚佢蕃茄湯嘅真功夫。等左陣，有嘢食了！蕃茄餐肉蛋五香肉丁通粉嚟到！其實主角係個蕃茄湯底，配料就睇你自己想點加就點加啦。蕃茄湯飲落第一啖，先感覺到濃郁嘅質感，跟住就係嗒到茄湯嘅鮮甜，兜湯唔單止夠濃夠杰，仲食到好多鮮茄肉，散發着自然蕃茄酸甜嘅味道。而小妹其實食嘢都有啲奄尖，所以突登加個五香肉丁，想碗嘢酸甜得嚟又有啲辣，mix埋一齊試多重口味。除左蕃茄湯通
格局方面，幾十年前咁嘅樣，而家都係咁嘅樣。無需整色整水，幾把大風扇對住，雖則係露天，但仍唔會感覺到十分酷熱。
黃色衫嘅就係老闆娘。至於其他落廚嘅，都係富有經驗嘅人馬，對住連綿不斷嘅 Order 駕輕就熟。
一間食肆，可以經歷無數寒暑，始終都係要有實力，要靠留得住人心嘅食物坐陣，而呢度嘅蕃茄湯通粉，已經出名到揚威海外。全因其蕃茄湯重本落大量新鮮蕃茄熬製，茄肉同茄皮都放哂入去煲，絕對唔會慳皮，造就咗蕃茄湯一哥嘅地位。嚟得呢度食，就係要試清楚佢蕃茄湯嘅真功夫。
等左陣，有嘢食了！蕃茄餐肉蛋五香肉丁通粉嚟到！其實主角係個蕃茄湯底，配料就睇你自己想點加就點加啦。蕃茄湯飲落第一啖，先感覺到濃郁嘅質感，跟住就係嗒到茄湯嘅鮮甜，兜湯唔單止夠濃夠杰，仲食到好多鮮茄肉，散發着自然蕃茄酸甜嘅味道。而小妹其實食嘢都有啲奄尖，所以突登加個五香肉丁，想碗嘢酸甜得嚟又有啲辣，mix埋一齊試多重口味。
除左蕃茄湯通粉外，呢度嘅另一個招牌菜就係脆脆！老闊娘堅持所有脆脆都要正面反面搽上牛油後，兩邊各烘三次先會出貨，絕對係認真同誠意之作。脆脆未食落口一聞已經香噴噴，咬落去更加感受到當中嘅焦、化、脆，其他地方亦好難做到相同質素。脆脆有兩款選擇：檸蜜同混醬。檸蜜就係檸檬碎撈蜜糖製成，而混醬就係花生醬溝煉奶。兩隻醬都同個脆脆夾到絕一絕，雖則係兩種風味，但都係食落口就停唔到手。
凍奶茶，多年製作功力，茶味香濃，奶味亦出，兩者互相配合，交織出完美味道，基本上每枱都會見一杯。
鹹檸七亦係另一款招牌飲品，醃好咗嘅鹹檸細心地預先篤好，再放左啲呢度先會放嘅話梅入去，飲落口特別醒神舒暢。壓軸登場「人情味雞翼」 — 呢款係Off Menu嘅Item，仲要係老闆娘親自炮製。而之所以捕獲到呢款菜，話說係小妹請老闆娘食數字牛腩，跟住老闆娘堅持受人恩惠就要回禮，跟住就整左呢個「人情味雞翼」出嚟啦。道菜雖則簡單，四隻雞翼拼一條廚師腸，但老闆娘認真製作絕不馬虎，食落口好有屋企阿媽煮出嚟嘅味道。人情味呢家嘢，或者你同我都識條鐵，但呢鋪食落口嘅，係真係感受得到點點溫馨。
張貼
